জুবিন গাৰ্গৰ ন্যায় বিচাৰি দুখত ভাগি পৰিছে এগৰাকী আইতা

ডিজিটেল ডেস্ক : ৰাজ্যত আজি মুক্তি পালে জুবিন গাৰ্গৰ অন্তিম খন ছবি ৰৈ ৰৈ বিনালে । আজিৰ এই দিনটোলৈ অপেক্ষাত আছিল সমগ্ৰ অসমবাসী ।

বয়সে হাৰ মনাব নোৱাৰা কলিয়াবৰৰ এগৰাকী আইতা। আইতা গৰাকী আজি দুখত ভাগি পৰিছে ।প্ৰকাশ কৰিব নোৱাৰে মনৰ বেদনা। প্ৰাণৰ শিল্পী জুবিন গাৰ্গে চিৰ বিদায় লোৱাৰ পাছতেই ৬০ উৰ্দ্ধৰ বৃদ্ধা আইতা গৰাকী দুখত ভাগি পৰিছে।

মনৰ দুখৰ বেদনা কাৰো আগত প্ৰকাশ কৰিব নোৱাৰি লিখিছে জুবিন গাৰ্গৰ নামত ইটোৰ পাছত সিটোকৈ কবিতা।ঘৰৰ খিৰিকীখনৰ কাষতে বহি আইতা গৰাকীয়ে নিৰলে লিখিছে কেইবাটাও কবিতা।

মহান শিল্পী জুবিন গাৰ্গক শ্যামকানু আৰু সিদ্ধাৰ্থই ছিংগাপুৰলৈ নি যি ঘটনা সংঘটিত কৰিলে সেই কথা সুঁৱৰি আইতাগৰাকীয়ে প্ৰকাশ কৰিছে মনৰ ক্ষোভ। মহানায়ক জুবিন গাৰ্গৰ মৃত্যুত আজি প্ৰতি জন লোকে চকু পানী টুকিছে কিন্তু কিয় জুবিন গাৰ্গে ন্যায় পোৱা নাই।

জুবিন গাৰ্গৰ ন্যায় বিচাৰি কলিয়াবৰৰ পুৰণি সত্ৰৰ বুলু বৰুৱা নামৰ ৬০ৰ উৰ্দ্ধৰ আইতা গৰাকীয়ে দাবী জনাইছে যে জুবিন গাৰ্গ যদি কিবা ৰোগত আক্ৰান্ত হৈ মৃত্যু হোৱা হয় আমি মানি ল'লো হয় । কিন্তু এই মৃত্যুক আমি মানি ল'ব নোৱাৰিম , জুবিন গাৰ্গক নিষ্ঠুৰ ভাবে আমাৰ মাজৰ পৰা আজুৰি নিলে সেইয়ে আমাক ন্যায় লাগিব‌‌‌।