--°C
Loading...
Listen to Article
4 min read
80%

In Short

  • চকুপানী মচি দিবলৈ, তেজীমলাৰ সাধু শুনিবলৈ, বিষে জৰ্জৰিত কৰা বুকুখন জুৰ পেলাবলৈ মাকক বিচাৰি আজি অজান দেশলৈ গুচি গ'ল জুবিন।

ডিজিটেল ডেস্কঃ কোনেনো দিব মচি মোৰ চকুপানী/ কোনেনো ক'বহি তেজীমলাৰ কাহিনী/ মোৰ ভোক লগা নাই অ' মা, তুমি আহি খুৱাই দিয়ানা/ অ' মা, অ' মা.... 


চকুপানী মচি দিবলৈ, তেজীমলাৰ সাধু শুনিবলৈ, বিষে জৰ্জৰিত কৰা বুকুখন জুৰ পেলাবলৈ মাকক বিচাৰি আজি অজান দেশলৈ গুচি গ'ল জুবিন। কাৰো ওপৰত একো অভিযোেগ নৰখাকৈ, কাৰো প্ৰতি একো অভিমান নৰখাকৈ শিশুৰ দৰেই গুচি গ'ল অসমৰ হার্টথ্র'ব, কোটি কোটি অসমীয়াৰ নয়নৰ মণি হৃদয়ৰ স্পন্দন জুবিন গাৰ্গ। 


শোকত ভাগি পৰা, চকুৰ পানীৰে বাট নেদেখা হোৱা কোটি কোটি অনুৰাগীয়ে এতিয়াও আশা কৰি আছে যেন মৰমৰ জুবিন আকৌ ঘূৰি আহিব, ঘুৰি আহি সেই নিষ্পাপ হাঁহিটো মাৰি বেপৰোৱা ভংগীত ক'বহি- ঘেণ্টা মৃত্যু! মই অসমতহে মৰিম মৰিলে। ছিংগাপুৰৰ সাগৰ তলিত এনেই এবাৰ শুইহে আহিলোঁ। কিন্তু নাহে। 


মৰমৰ জুবিন আকৌ কেতিয়াও অসমবাসীৰ মাজলৈ ঘুৰি নহাৰ বাটেৰে গুচি গ'ল অজান ঠিকনাৰে তৰাৰ দেশলৈ। ছিংগাপুৰৰ সাগৰত মাত্র ৫২ বছৰ বয়সত প্ৰাণ হেৰুওৱা জুবিন গাৰ্গক হেৰুওৱা অনুৰাগীয়ে কৈ উঠিছে- ব্রহ্মপুত্র হোৱা হ'লে জুবিনক ঘূৰাই দিলেহেঁতেন, কিন্তু ছিংগাপুৰৰ সাগৰেতো বুজি নাপায় সেই শিল্পীৰ হৃদয়ৰ গভীৰতা। 


এটা যুগৰ অন্ত পেলাই দেশ-বিদেশৰ কোটি কোটি অনুৰাগীক শোকৰ সাগৰত পেলাই আকাশক গাত লৈ সাগৰ তলিত নীৰৱে শুই পৰিল বিস্ময়কৰ প্ৰতিভা, অবিশ্বাস্য কণ্ঠৰ খেয়ালি অসমীয়াজন। অসম আৰু অসমীয়াক নিষ্পাপ হৃদয়েৰে ভালপোৱা, প্ৰচুৰ বিতৰ্কৰ সৃষ্টি হ'লেও কাৰো হৃদয়ত ঘৃণাৰ সামান্য টোপাল এটাও এৰি নোযোৱা জুবিনৰ অভাৱ এতিয়া অসমে প্রতিদিনে উপলব্ধি কৰিব, ভীষণ উপলব্ধি কৰিব। 


বিহুৰ অনুষ্ঠানত, কোনো প্রতিবাদী কাৰ্যসূচীত নিজৰ যাদুকৰী কণ্ঠ আৰু বেপৰোৱা ষ্টাইলেৰে মানুহক এতিয়াৰে পৰা মন্ত্রমুগ্ধ কৰি নাৰাখে জুবিনে, কেতিয়াও আৰু নকয়- ঘেণ্টা! মই কাকো কেয়াৰ নকৰোঁ। কিন্তু জুবিনে খাতিৰ নকৰিলেও আজি অসমে কেয়াৰ কৰিছে হিয়াৰ আমঠুক! উল্লেখযোগ্য যে ছিংগাপুৰত অনুষ্ঠিত নর্থ-ইষ্ট ফেষ্টিভেলত অংশগ্রহণ কৰিবলৈ যোৱা জুবিন গার্গে কালি ছিংগাপুৰৰ অসম এছ'চিয়েশ্যনৰ একাংশ বিষয়ববীয়া আৰু নিজৰ দুই ঘনিষ্ঠ সংগী সিদ্ধার্থ আৰু শিখৰসহ এখন নাৱত সাগৰেদি যাত্ৰা আৰম্ভ কৰি এটা দ্বীপলৈ ফুৰিবলৈ গৈছিল। 


গৈ থকা অৱস্থাত জুবিন আৰু তেওঁৰ সংগীসকলে সাগৰত সাঁতুৰিছিল আৰু সাঁতুৰি উঠি পুনৰ দ্বীপটোলৈ যাত্ৰা কৰে। দ্বীপটোত উপস্থিত হৈ লাইফ জেকেট পিন্ধি থকা অৱস্থাতে জুবিনে পুনৰ সাঁতুৰিবলৈ বিচাৰে আৰু তেতিয়াই সংগীসকলে লক্ষ্য কৰে যে জুবিনৰ শৰীৰটো থৰ হৈ গৈছে আৰু মুখেৰে ফেন ওলাবলৈ আৰম্ভ কৰিছে। হৃদস্পন্দন লাহে লাহে কমি অহা জুবিনক লগে লগে ছিংগাপুৰ জেনেৰেল হস্পিটেললৈ লৈ যোৱা হয় আৰু হস্পিটেলৰ আই চি ইউত ৰাখি প্রায় দুঘণ্টা সময় তেওঁৰ প্ৰাণ ঘূৰাই আনিবলৈ আপ্রাণ চেষ্টা চলোৱা হয়। 


লাহে লাহে অধিক হৃদস্পন্দন কমি অহা জুবিনৰ হয়তো সেই সময়তে বুকুখন বেছিকৈ বিষাই গৈছিল আৰু সেইবাবেই হয়তো জিৰণি বিচাৰি জুবিন গুচি গ'ল মাক আৰু মৰমৰ ভনীয়েক জংকীৰ কাষলৈ। 


'যদি জীৱনৰ ৰংবোৰে লুকা-ভাকু খেলে/ যদি আশাৰ চাকিটি উমি উমি জ্বলে/ তথাপি বন্ধু আগুৱাই যাবা/ পিছলৈ ঘূৰি নাচাবা' বুলি কেতিয়াবাই কৈ যোৱা জুবিন নামৰ সত্তাটো এতিয়া নিথৰ হৈ পৰি আছে ছিংগাপুৰ জেনেৰেল হস্পিটেলত। অনুৰাগীৰ এটাই ক্ষোভ থাকি গ'ল জুবিনে কিয় নুবুজিলে যে তেওঁ নোহোৱাকৈ আগুৱাই যাবলৈ অসম আৰু অসমীয়াৰ কিমান কষ্ট হ'ব।



উৎসঃ দৈনিক জনমভূমি



FOLLOW US F
POPULAR
FEATURE
TRENDY
মধ্যপ্ৰদেশত চাঞ্চল্য! হোটেলত থকা প্ৰাপ্তবয়স্ক যুৱক-যুৱতীক ভুৱা গাঞ্জাৰ গোচৰত ফচোৱাৰ ভাবুকি; ৬ আৰক্ষী বিষয়া নিলম্বিত
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী