বিদ্যালয়ৰ পৰীক্ষা অনুষ্ঠিত কৰিবলৈ লোৱাত প্ৰতিবাদত নামিল শিক্ষাৰ্থী

ডিজিটেল ডেস্কঃ শুক্ৰবাৰে সমগ্ৰ অসমকে শোকস্তব্ধ কৰি সকলোৰে মাজৰে পৰা আঁতৰি গ'ল মৰমৰ শিল্পী জুবিন গাৰ্গ। সমগ্ৰ দেশতেই শোকৰ ছাঁ পৰাৰ পাছতেই নিশা উজাগৰে থাকিও বহুলোকে অনুষ্ঠিত কৰিলে শ্ৰদ্ধাঞ্জলি। 

যোৰহাটৰ এখন বিদ্যালয়ৰ কৰ্মকাণ্ডৰ কথা শুনিলে আচৰিত হ'ব আপুনি। আসাম ৰাইফলচ পাব্লিক স্কুল নামৰ ব্যক্তিগত খণ্ডৰ বিদ্যালয়খনৰ সন্মুখত প্ৰতিবাদত বহিল শিক্ষাৰ্থী। 

শিক্ষামন্ত্ৰী ড০ ৰণোজ পেগুৱে সামাজিক মাধ্যম যোগে শনিবাৰৰ সকলো পৰীক্ষা জুবিনৰ অন্ত্যেষ্টিক্ৰিয়া সম্পন্ন নোহোৱা পৰ্যন্ত বন্ধ থাকিব বুলি ঘোষণা কৰাৰ পাছতো কেৰেপ নকৰে এই বিদ্যালয়খনে ।

কেৱল হলি'ডে লিষ্ট অনুযায়ী হে বিদ্যালয় বন্ধ অথবা অৰ্ধছুটি দিয়ে বিদ্যালয়খনে। জুবিন গাৰ্গৰ মৰ্মাহত খবৰক লৈ শোক নাই বিদ্যালয় কৰ্তৃপক্ষৰ মাজত। অনুষ্ঠিত কৰিবলৈ লৈছিল পৰীক্ষা।

ছাত্ৰ ছাত্ৰীৰ অভিযোগ বিদ্যালয়খনত কোনোদিন অনুষ্ঠিত কৰা নহয় শংকৰদেৱ-মাধৱদেৱৰ তিথি, কেতিয়াও পৰিৱেশন কৰা নহয় জাতীয় সংগীত। 

অসমীয়া সংস্কৃতিৰ পৰা বহু দুৰত নিজকে ৰাখি যোৰহাটৰ নিচিনা ঠাইত ব্যৱসায় চলাই এনেধৰণৰ বিদ্যালয়সমুহে।