সুদূৰ দক্ষিণ কোৰিয়াৰ অভিজ্ঞ প্ৰশিক্ষকক লৈ কোকৰাঝাৰত সপ্তাহজোৰা টাইকোৱানডো প্ৰশিক্ষণ শিবিৰ

ডিজিটেল ডেস্কঃ ৩ নৱেম্বৰৰ পৰা ৯ নৱেম্বৰলৈ অল বডোলেণ্ড টাইকোৱানডো এছ’ছিয়েছনৰ উদ্যোগত কোকৰাঝাৰ চহৰৰ বডোফা নগৰস্থিত ছিখনাঝাৰ জিমনেছিয়ামত আয়োজিত সপ্তাহজোৰা টাইকোৱানডো প্ৰশিক্ষণ শিবিৰৰ শনিবাৰে সামৰণি পৰে ৷

উক্ত প্ৰশিক্ষণ শিৱিৰটোত টাইকোৱানডোৰ বেছিক এণ্ড এডভান্স ট্ৰেইনিঙৰ লগতে কিয়ুৰুগী আৰু পুমচেৰ প্ৰশিক্ষণ প্ৰদান কৰা হয় ৷

ল’ৰা-ছোৱালী উভয়ৰ অৰ্ধ শতাধিক প্ৰশিক্ষাৰ্থীয়ে অংশ গ্ৰহণ কৰা প্ৰশিক্ষণ শিৱিৰটোত প্ৰশিক্ষণ প্ৰদান কৰে সুদূৰ দক্ষিণ কোৰিয়াৰ অভিজ্ঞ প্ৰশিক্ষক গ্ৰেন্ড মাষ্টাৰ ৱান ইয়ং লিয়ে ৷

প্ৰশিক্ষণ শিৱিৰত বিটিচি তথা অসমৰ বিভিন্ন প্ৰান্তৰ উপৰিও উত্তৰপ্ৰদেশৰ প্ৰশিক্ষাৰ্থীয়েও অংশগ্ৰহণ কৰে ৷

উল্লেখ্য যে সামৰণি কাৰ্যসূচীৰ সৈতে সংগতি ৰাখি শনিবাৰে প্ৰশিক্ষাৰ্থী সকলৰ মাজত প্ৰমাণ পত্ৰ সমূহ বিতৰণ কৰে কোকৰাঝাৰ জিলা ক্ৰীড়া সন্থাৰ সভাপতি তথা বিটিচিৰ পাৰিষদ ধণেশ্বৰ গয়াৰীয়ে ৷