ডিজিটেল ডেস্কঃ পশ্চিম কৰ্বিআংলং জিলাৰ খেৰনীৰ হাৱাইপুৰত চাকৰি দিয়াৰ নামত ধন সংগ্ৰহৰ অভিযোগ উত্থাপন হৈছে এগৰাকী স্থানীয় মহিলাৰ বিৰুদ্ধে । অভিযোগ হাৱাইপুৰ দুই নং তখাদী গাঁৱৰ বন্তি টিমুংপী নামৰ মহিলাগৰাকীৰ বিৰুদ্ধে ।
লগতে নাম সাঙুৰ খাইছে তেওঁৰে ভাতৃ তপন টিমুঙৰ। মহিলা গৰাকী সমাজ কল্যান বিভাগৰ এগৰাকী অংগনৱাড়ী কৰ্মী। নিজে এগৰাকী অংগনৱাড়ী কৰ্মী হৈ চুপাৰভাইজাৰ , কৰ্মী তথা সহায়কৰ চাকৰি দিয়াৰ নামত অঞ্চলটোৰ ১০/১২ গৰাকী মহিলাৰ পৰা কেইবা লাখ টকা সংগ্ৰহ কৰাৰ অভিযোগ তুলিছে ভুক্তভোগী মহিলা সকলে।
অভিযোগ অনুসৰি ২০২৩ বৰ্ষৰে পৰা বন্তী টিমুংৰীয়ে যাৰ পৰা যেনেকৈ পাৰিছে ৫০হাজাৰৰ পৰা ১লাখ পৰ্যন্ত ধন সংগ্ৰহ কৰিছিল।এতিয়ালৈ চাকৰি নোহোৱাত ভুক্তভোগীয়ে বন্তীক টকাবোৰ ওভতাই বিচৰাত বন্তীয়ে ওলোতাকৈ তেওঁলোকৰ ওপৰতেই গোচৰ জাপি দিয়ে খেৰনী থানাত।
পাছত ভুক্তভোগী মহিলা সকলে উপাইঅন্ত হৈ খেৰনী আৰক্ষীৰ কাষ চাপি বন্তী টিমুংপীৰ বিৰুদ্ধে এক অভিযোগ দাখিল কৰে । উল্লেখযোগ্য যে , বন্তী টিমুংপীয়ে হামৰেন সমাজ কল্যান বিভাগৰ কেইবাগৰাকী CDPO ৰ উপৰিও বহু কেইজন বিজেপি দলৰ নেতা পালিনেতা ৰ লগতে কাৰ্বিপৰিষদৰ কাৰ্যবাহী সদস্যা ৰীনা টেৰাংপীৰো নাম লৈ ধন সংগ্ৰহ কৰিছিল বুলি ভুক্তভোগী সকলে প্ৰকাশ কৰে।
Continue Reading
