লামডিঙত ন'বোৱাৰীৰ ৰহস্যজনক মৃত্যুক কেন্দ্ৰ কৰি সমগ্ৰ অঞ্চলজুৰি উত্তাল প্ৰতিবাদ

ডিজিটেল ডেস্কঃ বৃহস্পতিবাৰে লামডিংত জংঙ্গলী কালিবাৰি অঞ্চল বাসিন্দা সকলে একেলগে ওলাই আহি মৃত বোৱাৰী গৰাকীৰ বিদেহি আত্মাৰ শান্তিৰ বাবে নীৰৱতা আৰু শ্ৰদ্ধাঞ্জলি পালন কৰাৰ লগতে উত্তাল প্ৰতিবাদী কাৰ্যসূচী হাতত লোৱা পৰিলক্ষিত হৈছে।

যোৱা মঙ্গলবাৰে লামডিং জংঙ্গলী কালিবাড়ীত পকী কোৱাৰ ভিতৰত চিপ লৈ থকা অৱস্থাত উদ্ধাৰ কৰা হৈছিল প্ৰিয়ংকা দেবনাথ নামৰ এগৰাকীক বোৱাৰী।

কাৰ্বিআংলং জিলাৰ প্ৰিয়ংকা দেৱনাথ নামৰ ন'বোৱাৰী গৰাকী লামডিংৰ ৰকি দেৱনাথলৈ বিয়া হৈছিল ৷ মৃত ন'বোৱাৰী গৰাকী কাৰ্বি আংলং জিলাৰ পৰা ১মাহৰ পূৰ্ৱে লমডিংলৈ বিয়া হৈ আহিছিল ৷

যৌতুকৰ বাবে তথা স্বামীৰ পৰকীয়া প্ৰেমৰ বাবে এই ঘটনা সংঘটিত হোৱাৰ অভিযোগ পৰিয়ালবৰ্গৰ ৷ বিয়াৰ পিছৰে পৰা ন'বোৱাৰীগৰাকীক স্বামী আৰু শহুৰৰ পৰিয়ালে যৌতুকৰ বাবে অকৈথ্য নিৰ্যাতন চলোৱাৰো অভিযোগ উত্থাপন হৈছিল।

আজি লামডিং জংগলী কালী বাৰী অঞ্চলত দোষীক কঠোৰৰ পৰা কঠোৰ শাস্তিৰ দাবীত অঞ্চল জুৰি উত্তাল প্ৰতিবাদ কৰে ৰাইজে।