উচ্ছেদৰ পাছতে ৰজাপুখুৰী, গেলাজান নিজৰ বুলি দাবী নগাৰ

ডিজিটেল ডেস্ক : উৰিয়ামঘাট সীমান্তৰ ৰেংমা বনাঞ্চলৰ সফল উচ্ছেদ অভিযানৰ পাছত দেওবাৰৰ পৰা বেদখলমুক্ত কৰিবৰ বাবে বন বিভাগে দক্ষিণ নামবৰ বনাঞ্চলত উচ্ছেদ অভিযান আৰম্ভ কৰিছে।

দিনৰ ১০ বজাৰ পৰা গেলাজান আৰু ৩নং ৰজাপুখুৰী নামৰ গাঁও দুখনত সোমাই থকা সন্দেহজনক লোকে বসতি স্থাপন কৰা পৰিয়ালক উচ্ছেদ কৰিবলৈ অভিযান আৰম্ভ কৰে।

প্রায় ১০০খন বুলড 'জাৰ ব্যৱহাৰ আৰু প্রায় দুই হাজাৰ নিৰাপত্তা বাহিনীৰ জোৱান নিয়োগ কৰি দেওবাৰে উচ্ছেদ অভিযান চলায়। দেওবাৰে দুয়োখন গাঁৱত প্রায় ৩৫০টা বেদখলকাৰী পৰিয়ালক উচ্ছেদ কৰাৰ উপৰি মাদ্রাছা, গেলাজানত থকা আটাইতকৈ পুৰণি জামে মছজিদ, বেচৰকাৰী বিদ্যালয় আদিৰ ওপৰতো চৰকাৰী বুলড 'জাৰৰ হাতোৰা পৰে। দেওবাৰে অভিযান চলাই ১০০০ বিঘা ভূমি বেদখলকাৰীৰ কবলৰ পৰা উদ্ধাৰ কৰা হয়।

উল্লেখযোগ্য যে পাঁচদিন ধৰি ৰেংমা বনাঞ্চলৰ ১০ খন গাঁৱৰ প্রায় দহ হাজাৰ বিঘা বেদখলীকৃত ভূমি সন্দেহজনক লোকে বেদখলকাৰীৰ কবলৰ পৰা মুক্ত কৰে। তাৰ পাছতেই বিৰতিবিহীনভাৱে দেওবাৰে অন্য এখন সংৰক্ষিত বনাঞ্চলত বন ধ্বংস কৰি জন অৰণ্যত পৰিণত কৰা লোকৰ উচ্ছেদ হাতত লয় বন বিভাগে। এই দুখন গাঁৱত দেওবাৰে উচ্ছেদ অভিযান শেষ নহ'লে পৰৱৰ্তী দিনত উচ্ছেদ চলি থাকিব শেষ নোহোৱা পর্যন্ত।

উৎসঃ দৈনিক জনমভূমি