কলিয়াবৰ-চামগুৰিত গৰু চিণ্ডিকেটৰ বৃহৎ গেং উৎখাত আৰক্ষীৰ! একেলগে আটক ২০ টাকৈ গৰুচোৰ

ডিজিটেল ডেস্কঃ গৰু চিণ্ডিকেট চক্ৰৰ বিৰুদ্ধে কলিয়াবৰ-চামগুৰিত আৰক্ষীৰ বৃহৎ অভিযান। আৰক্ষীয়ে অভিযান চলায় উৎখাত কৰিছে গৰু চিণ্ডিকেটৰ বৃহৎ গেং।

আৰক্ষীয়ে আটক কৰিছে একেলগে ২০ টাকৈ গৰুচোৰ। চামগুৰি আৰু ৰূপহীহাটৰ পৰা আৰক্ষীয়ে আটক কৰিছে গৰু চোৰৰ দল। শেহতীয়াকৈ জব্দ কৰিছে গৰুচুৰিত ব্যবহৃত চাৰিখনকৈ বিলাসী বাহন।

গৰুচোৰৰ তালিকা প্ৰস্তুত কৰি কলিয়াবৰ মহকুমা আৰক্ষী বিষয়াৰ নেতৃত্বত গৰু চোৰৰ বিৰুদ্ধে আৰম্ভ তীব্ৰ অভিযান।

বিগত ছমাহে কলিয়াবৰৰ লগতে নগাঁও জিলাৰ বিভিন্ন প্ৰান্তত গোহালি উদং কৰি আহিছে গৰুচোৰৰ দলে। বিলাসী বাহনত সৰবৰাহ কৰিছে চুৰি গৰু। স্প্ৰে মাৰি গৰুক অচেতন কৰি বিলাসী বাহনত উঠাই চোৰে সৰবৰাহ কৰে গো-ধন।

শেহতীয়াকৈ গৰুচোৰৰ বাহনলৈ লক্ষ্য কৰি গুলি চলাবলগীয়া হৈছে আৰক্ষীয়ে। তাৰ পাছতেই গৰু চোৰৰ বিৰুদ্ধে আৰক্ষীয়ে তীব্ৰতৰ কৰি তুলিছে অভিযান। উল্লেখ্যযোগ্য যে, কলিয়াবৰত এই পৰ্যন্ত সংঘটিত হৈছে ১০৩ টা গৰু চুৰিৰ ঘটনা।