মাৰ্ঘেৰিটাৰ পৰা ৰহস্যজনকভাৱে নিৰুদ্দিষ্ট এজন সেনা জোৱান

ডিজিটেল ডেস্ক: কৰ্তব্যৰ বাবে আইতাকৰ ঘৰৰ পৰা ওলাই আহিয়ে ৰহস্যজনক ভাৱে সন্ধানহীন হ'ল ৰাইফলচৰ জোৱান সন্দীপ গুৰুং।

শোনিতপুৰ জিলাৰ লখৰাৰ চেনাইপাম নামৰ গাওঁখনৰ নিবাসী যোৱা ০৫ আগষ্টত আসাম ৰাইফলচৰ জোৱান সন্দীপ গুৰুং ।মাৰ্ঘেৰিটাৰ মাকুমকিল্লাত থকা আইতাকৰ গৃহলৈ আহিছিল তেওঁ । জোৱান জনে পিছদিনা পুৱাই নিজ কৰ্তব্যৰত স্থান চাংলাং লৈ বুলি ৰাওনা হয় ।

সেই দিনাৰ পৰাই অসম ৰাইফলচৰ ৩১ নং ৰেজিমেণ্টৰ জোৱান সন্দীপ গুৰুং নিজ কৰ্তব্যত উপস্থিত হোৱা নাই আৰু এই পৰ্যন্ত নিৰুদ্দেশ হৈ আছে ।

উল্লেখযোগ্য যে অসম ৰাইফলচৰ 5025379 নম্বৰ চাৰ্ভিছ হোল্ডাৰ হাৱিলদাৰ সন্দীপ গুৰুঙৰ পৰিয়ালবৰ্গ মাৰ্ঘেৰিটাত উপস্থিত হৈ বিভিন্ন স্থানৰ CCTV ফুটেজ সংগ্ৰহ কৰে আৰু এঠাইৰ ছবিত স্পষ্টকৈ ওলাই পৰিছে ৷

আজি পৰিয়ালবৰ্গই মাৰ্ঘেৰিটা আৰক্ষী থানাত এখন নিৰুদ্দেশ হোৱাৰ এজাহাৰ দাখিল কৰিছে।

সুন্দৰ সুঠাম সেনা জোৱানজনৰ মোবাইল ফোন বৰ্তমানেও চুইচ অফ হৈ আছে ৷ যদি কোনোৱা সদাশয় ব্যক্তিয়ে সন্দীপ গুৰুঙক দেখা পায় বা সন্ধান লাভ কৰে তেন্তে 8099747513

আৰু 6909075624 নম্বৰত যোগাযোগ কৰিবলৈ পৰিয়াল বৰ্গই আহ্বান জনাইছে ৷