ডিজিটেল ডেস্ক : অষ্ট্ৰেলিয়াত গ্রীষ্ম প্ৰৱাহে জনজীৱন কার্যতঃ স্তব্ধ কৰি তুলিছে। দেশখনৰ কোনো কোনো অঞ্চলত তাপমাত্রা ৫০ ডিগ্রী চেলছিয়াছ পর্যন্ত বৃদ্ধি পাইছে।
দেশখনত যোৱা এটা দশকৰ ভিতৰত চলিত বৰ্ষত তাপমাত্রা সর্বাধিক হৈছেগৈ। পশ্চিম অষ্ট্ৰেলিয়াত প্রথমে তাপমাত্রা বৃদ্ধি পোৱাৰ পাছত যোৱা প্ৰায় এটা সপ্তাহত দেশখনৰ পূব অংশত লাহে লাহে তাপমাত্রা বৃদ্ধি হ'বলৈ ধৰে।
প্ৰচণ্ড গ্রীষ্ম প্ৰৱাহৰ ফলত দেশখনৰ কেইবাখনো চহৰত হিট ষ্ট'কত আক্রান্ত হৈ বহু লোক চিকিৎসাধীন হ'ব লগা হৈছে। দক্ষিণ-পূব অষ্ট্ৰেলিয়াত একেৰাহে পঞ্চম দিনৰ বাবে গ্রীষ্ম প্রবাহ অব্যাহত আছে। দেশখনৰ আটাইতকৈ জনবহুল নগৰী ভিক্টোৰিয়াৰ জৰুৰীকালীন বিভাগৰ তথ্য অনুসৰি ২০০৯ চনৰ পাছত চলিত বৰ্ষত চহৰখনত তাপমাত্রা সর্বাধিক হৈছে।
ইফালে, গ্রীষ্ম প্ৰৱাহৰ মাজতে দেশখনৰ বহু স্থানত অনিয়মীয়া বিদ্যুৎ যোগানত অতিষ্ঠ হৈ পৰিছে জনতা। উল্লেখযোগ্য যে দেশখনৰ বিভিন্ন স্থানত বনজুই নিয়ন্ত্ৰণৰ বাহিৰলৈ যোৱাৰ ফলতো তাপমাত্রা বৃদ্ধি পোৱা বুলি চৰকাৰী সূত্ৰত প্রকাশ।
উৎসঃ দৈনিক জনমভূমি
Continue Reading
