--°C
Loading...
Listen to Article
3 min read
80%

In Short

  • শিল্পীগৰাকীৰ জন্ম শতবার্ষিকী উদযাপনৰ সময়ত এই বিষয়টোৱে অগণন গুণমুগ্ধক ব্যথিত কৰাৰ লগতে ক্ষুব্ধ কৰি তুলিছে।

ডিজিটেল ডেস্ক : বিশ্ববিশ্রুত শিল্পী, ভাৰত ৰত্ন, সুধাকণ্ঠ ড° ভূপেন হাজৰিকাৰ কলকাতাৰ ৭৭বি গলফ পথত অৱস্থিত ঐতিহাসিক ঘৰটো বৰ্তমান অতি অনাদৃত আৰু পৰিত্যক্ত অৱস্থাত আছে। 


শিল্পীগৰাকীৰ জন্ম শতবার্ষিকী উদযাপনৰ সময়ত এই বিষয়টোৱে অগণন গুণমুগ্ধক ব্যথিত কৰাৰ লগতে ক্ষুব্ধ কৰি তুলিছে। পশ্চিম বংগ চৰকাৰৰ কেৱল ৰাজনৈতিক শত্রুতাৰ বাবে বিশ্ববৰেণ্য শিল্পীগৰাকীৰ সৃষ্টিৰ এক অন্যতম থলী এৰাবাৰীত পৰিণত হোৱা বুলি অভিযোগ উত্থাপন কৰি খিলঞ্জীয়া সুৰক্ষা বাহিনী অসমৰ প্ৰচাৰ সচিব যুগান্ত বায়নে কয় যে, 'গঙ্গা আমাৰ মা'ৰ দৰে অতি জনপ্রিয় কেইবাটাও আপুৰুগীয়া গীত ৰচনা কৰা আৰু লতা মংগেশকাৰ, আশা ভোছলেৰ লগতে একাধিক বিখ্যাত শিল্পীৰ পদধূলাৰে গৰ্বিত এই ঘৰটো একমাত্ৰ ৰাজনৈতিক দ্বন্দ্বৰ বাবে আজি ইতিহাসৰ পাতৰ পৰা হেৰাই যোৱাৰ উপক্ৰম হৈছে। ঘৰটোৰ ভিতৰভাগ একেবাৰে জহি-খহি গৈ ভূত বাংলা যেন হৈ পৰিছে। 


১৯৫৪ চনত গুৱাহাটী বিশ্ববিদ্যালয়ৰ চাকৰি বাদ দি এক অভিমানৰ বোজা লৈ কলকাতালৈ গুচি যোৱা শিল্পীগৰাকীয়ে প্ৰথমতে ভাৰাঘৰত থকাৰ পিছত কলকাতাত থকা সময়লৈকে তেওঁ সেই ঘৰটো কিনি লৈ তাত থাকিব লৈছিল। পৰৱৰ্তী সময়ত সেই ঘৰটো এগৰাকী ব্যৱসায়ীক বিক্ৰী কৰি তেওঁ মুম্বাইলৈ গৈছিল। এই ঘৰটো অসমৰ এক জাতীয় সম্পদ হিচাপে সংৰক্ষণ কৰি ৰাখিবলৈ তদানীন্তন মুখ্যমন্ত্রী সর্বানন্দ সোণোৱাল আৰু বৰ্তমানৰ মুখ্যমন্ত্ৰী ড° হিমন্ত বিশ্ব শৰ্মাৰ তৎপৰতাত অসম চৰকাৰে ১.৭ কোটি টকাৰ ঘৰটো সেই লোকজনৰ পৰা ক্ৰয় কৰাৰ সিদ্ধান্ত গ্রহণ কৰি প্ৰাথমিক প্রস্তুতি চলাইছিল। কিন্তু পশ্চিম বংগ চৰকাৰে একমাত্ৰ ৰাজনৈতিক কাৰণত হঠাতে ঘৰটো বংগৰ হেৰিটেজ হিচাপে ঘোষণা কৰি ঘৰটো সংৰক্ষণ কৰাৰ সিদ্ধান্ত লোৱাৰ ফলত অসম চৰকাৰৰ পদক্ষেপ আধাতে বন্ধ হৈ পৰিল। 


একমাত্র ভিন্ন ৰাজনৈতিক আদৰ্শ আৰু শত্রুতাৰ বাবে আজি এইগৰাকী মহান শিল্পীৰ এক সোঁৱৰণীৰ থলী আৰু নতুন প্ৰজন্মৰ এক গৱেষণাৰ উৎস আজি ইতিহাস হোৱাৰ পথত। খিলঞ্জীয়া সুৰক্ষা বাহিনী অসমে তৎকালীনভাৱে পশ্চিম বংগ চৰকাৰক ঘৰটো অসম চৰকাৰক হস্তান্তৰ কৰিবলৈ আহ্বান জনাইছে।


উৎসঃ দৈনিক জনমভূমি


FOLLOW US F
POPULAR
FEATURE
TRENDY
মধ্যপ্ৰদেশত চাঞ্চল্য! হোটেলত থকা প্ৰাপ্তবয়স্ক যুৱক-যুৱতীক ভুৱা গাঞ্জাৰ গোচৰত ফচোৱাৰ ভাবুকি; ৬ আৰক্ষী বিষয়া নিলম্বিত
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী