ডিজিটেল ডেস্কঃ বাংগালোৰত উদ্ধাৰ হৈছে আমগুৰিৰ যুৱক অৰুণ বৰুৱা ওৰফে জোনৰ মৃতদেহ । বাংগালোৰৰ বাইপেনাহালী ৰেল ষ্টেচনত মৃতদেহ উদ্ধাৰ হোৱাৰ পিছতেই পৰিয়ালটোৰ মাজত সৃষ্টি হৈছে হাহাকাৰ পৰিস্থিতিৰ ।
আমগুৰি পৌৰসভাৰ চাৰি নং ৱাৰ্ডৰ নিবাসী দীপক বৰুৱাৰ জ্যেষ্ঠ পুত্ৰ অৰুণ বৰুৱা যোৱা সাত বছৰ ধৰি বাংগালোৰত ডেলিভেৰী বয় হিচাপে কৰ্মৰত আছিল।পৰিয়ালৰ লোকক ৰে'লৱে আৰক্ষীয়ে মৃতদেহ উদ্ধাৰৰ ঘটনা অৱগত কৰাৰ পিছতেই হাহাকাৰ অৱস্থাৰ সৃষ্টি হয়।
পৰিয়ালৰ লোকে এই ঘটনাক কোনো দুবৃৰ্ত্তই হত্যা কৰি ৰে'ললাইনত পেলাই যোৱাৰ সন্দেহ ব্যক্ত কৰিছে। বাংগালোৰৰ ইন্দ্ৰ নগৰত ভাড়াঘৰত থকা যুৱকজনৰ কোনে হত্যা কৰি ৰে'ল লাইনত পেলাই গ'ল সেইয়া ৰহস্যজনক ।
Continue Reading
