আন্তঃৰাষ্ট্ৰীয় বজাৰত খাৰুৱা তেলৰ দাম ১৫% হ্রাস

ডিজিটেল ডেস্ক : আমেৰিকাৰ ৰাষ্ট্ৰপতি ড'নাল্ড ট্রাম্পে ইৰানৰ বিৰুদ্ধে দুসপ্তাহৰ যুদ্ধবিৰতি ঘোষণা কৰাৰ লগে লগে আন্তঃৰাষ্ট্ৰীয় বজাৰত খাৰুৱা তেলৰ দাম হ্রাস পাবলৈ ধৰে। কালি বিশ্বৰ বজাৰত খাৰুৱা তেলৰ দাম ১৫% হ্রাস পায়। 

যুদ্ধবিৰতি ঘোষণা কৰাৰ কেইঘণ্টামানৰ পাছতে ব্ৰেণ্ট খাৰুৱা তেলৰ দাম প্রতি বেৰলত ১৫ ডলাৰ হ্রাস পাই ৯৪.২৭ ডলাৰ হয়গৈ। উল্লেখযোগ্য যে বিশ্বৰ বজাৰত ছবছৰৰ পাছত খাৰুৱা তেলৰ দাম একে দিনাই সর্বাধিক হাৰত হ্রাস পায়। 

উল্লেখযোগ্য যে মঙলবাৰে প্রতি বেৰলৰ দাম ১০৯.২৭ ডলাৰ হৈছিল। যুদ্ধ চলি থকাৰ সময়ত মাজতে প্রতি বেৰলৰ দাম ১২০ ডলাৰ হৈছিল। উল্লেখযোগ্য যে পাকিস্তানৰ মধ্যস্থতাত ইৰান আৰু আমেৰিকা-ইজৰাইলৰ মাজত চলি থকা ৪০ দিনীয়া যুদ্ধৰ ১৪ দিনীয়া বিৰতি ঘোষণা কৰা হয়। যুদ্ধবিৰতি যুক্তি অনুসৰি আমেৰিকা আৰু ইজৰাইলে ইৰানত আক্রমণ বন্ধ ৰাখিব আৰু ইৰানে হৰমুজ প্রণালী জাহাজৰ চলাচলৰ বাবে মুকলি কৰি দিব।

উৎসঃ দৈনিক জনমভূমি