নিষিদ্ধ চেং মাছক কেন্দ্ৰ কৰি উত্তপ্ত ডিব্ৰুগড় বিমানবন্দৰ

ডিজিটেল ডেস্কঃ বন বিভাগ আৰু আৰক্ষীৰ চকুত ধূলিমাৰি উজনিত অৱ্যাহত আছে নিষিদ্ধ তথা বিলুপ্তপ্ৰায় চেং মাছৰ লাখ লাখটকীয়া ব্যৱসায় ৷

উল্লেখ্য যে প্ৰতিবাৰেই এই নিষিদ্ধ চেং মাছ ডিব্ৰুগড় বিমানবন্দৰ পৰা বিমানেৰে যদু চৰকাৰ আৰু সুজিত চৰকাৰ নামৰ ব্যৱসায়ীদ্বয়ে কলিকতাকে ধৰি দেশৰ বিভিন্ন প্ৰান্তলৈ সৰবৰাহ কৰি আহিছে ৷

আজিও এই ব্যৱসায়ীদ্বয়ে তিনিচুকীয়াৰ গুইজান অঞ্চলৰ পৰা বুজন পৰিমাণৰ চেংমাছ ডিব্ৰুগড় বিমানবন্দৰেদি নিয়াৰ ব্যৱস্থা কৰিছিল।কিন্তু অনুমতি লোৱা নাছিল ডিব্ৰু চৈখোৱাৰ মীন সমবায় সমিতিৰ ৷ চৰকাৰী ভাবে তিনিচুকীয়াৰ পৰা চেং মাছ নিবলৈ হলে চালান লব লাগিব ডিব্ৰু চৈখোৱাৰ মীন সমবায় সমিতিৰ পৰা।ডিব্ৰুগড় বিমানবন্দৰত ডিব্ৰু চৈখোৱাৰ সমবায় সমিতিৰ সভাপতি নৱিন দাসে দেখা মাত্ৰেই ডিব্ৰুগড় বিমানবন্দৰ পৰিচালকক খবৰ দিয়ে।

ততাতৈয়াকৈ চেং মাছ সমূহ বিমানবন্দৰ পৰা নমাই দিয়ে। উল্লেখ্য যে এই নিষিদ্ধ ব্যৱসায়ৰ বাতৰি সংগ্ৰহ কৰিবলৈ যোৱা সাংবাদিকে বাইট লৈ থাকোতে গোপনে ভিদিঅ কৰি থকাৰ প্ৰতিবাদ কৰিবলৈ যোৱা সাংবাদিককো এই চৰকাৰ ভাতৃদ্বয়ৰ গুণ্ডাবাহিনীয়ে সাংবাদিকক অপদস্ত কৰিবলৈও উদ্যত হয় ৷অভিযোগ অনুসৰি চেং মাছ সমূহ নিবৰ বাবে যদু চৰকাৰে ধেমাজিৰ পৰা এখন ভুৱা চালান প্ৰদৰ্শন কৰাক লৈ সৃষ্টি হৈছে তীব্ৰ প্ৰতিক্ৰিয়াৰ ৷