--°C
Loading...
Listen to Article
4 min read
80%

In Short

  • যি সময়ত মহিষাসুৰ মদনৰ বাবে আজি শক্তিক প্রার্থনা কৰিব লাগিছিল, সেই সময়ত অসমীয়াই জগতজননীৰ ওচৰত প্ৰাৰ্থনা কৰিছে- 'হে মা দুর্গা, জুবিনৰ হত্যাকাৰীক নাশ কৰা, আমাক ন্যায় দিয়া।'

ডিজিটেল ডেস্কঃ অসম-অসমীয়া প্ৰাণৰ শিল্পী জুবিন গাৰ্গৰ মৃত্যুৱে শোকাহত কৰি যোৱা ৰাজ্যখনলৈ সন্তর্পণে আহিছে শৰৎ। যি সময়ত শাৰদীয় দুর্গোৎসৱৰ আনন্দত উখল-মাখল হৈ থাকিব লাগিছিল অসম, সেই সময়ত অসমবাসীৰ চকুৰে বিগত ১০ দিন ধৰি বৈ আছে অশ্রুধাৰা।


যি সময়ত মহিষাসুৰ মদনৰ বাবে আজি শক্তিক প্রার্থনা কৰিব লাগিছিল, সেই সময়ত অসমীয়াই জগতজননীৰ ওচৰত প্ৰাৰ্থনা কৰিছে- 'হে মা দুর্গা, জুবিনৰ হত্যাকাৰীক নাশ কৰা, আমাক ন্যায় দিয়া।' 


এনে এক শোক, ক্ষোভ আৰু ক্ৰোধৰ বাতাৱৰণৰ মাজতে কালিৰ পৰা ৰাজ্যজুৰি আৰম্ভ হৈছে শাৰদীয় দুর্গা পূজা, মা আদিশক্তিৰ বন্দনা। পূজাৰ বাবে ৰাজ্য চৰকাৰে কৰ্মচাৰীসকলক দৰমহাও আগতীয়াকৈ দি দিছে, দোকান-পোহাৰো ভৰি পৰিছে পূজাৰ নানান তৰহৰ সামগ্ৰীৰে, কিন্তু এইবাৰ আনন্দ কৰিবলৈ, পূজাৰ বজাৰত উথপথপ লগাবলৈ মানুহৰ নাই কোনো উৎসাহ, নাই কোনো প্ৰেৰণা, কাৰণ অসমীয়া মানুহৰ নয়নৰ মণি জুবিনক কেইদিনমান আগতে এটা স্তাৱকৰ দলে বৰ্বৰভাৱে ঠেলি দিলে মৃত্যুৰ মুখলৈ। বুকুত একুৰা কেঁচা জুই সামৰি কোন স'তে উৎসৱত মতলীয়া হৈ পৰে মানুহ। কিন্তু জুবিনৰ ন্যায়ৰ অপেক্ষাত ৰৈ ৰৈ অধৈর্য হৈ পৰা অসমবাসীয়ে এইবাৰ হৃদয়ৰ সমস্ত আকুলতাৰে মা ভগৱতীৰ চৰণত এটাই আন্তৰিক প্রার্থনা কৰিছে- হে মা, হে জগত জননী, তোমাৰ চৰণতে বিচাৰ অৰ্পণ কৰিলোঁ। কোনেও দিব নোৱাৰিলেও আমাৰ ল'ৰাটোৰ মৃত্যুৰ ন্যায় তুমিয়েই দিবা। 


ইতিমধ্যেই দুর্গতিনাশিনীক বেদিত প্রতিষ্ঠা কৰা হৈছে আৰু কালিৰে পৰাই মা দুৰ্গাৰ পূজা আৰম্ভ হৈছে। সমগ্ৰ ৰাজ্যতে এইবাৰ স্বতঃস্ফূর্তভাৱে পূজাৰ পৰিৱেশ কেৱল আধ্যাত্মিকতালৈ ঘূৰি গৈছে, সকলো পূজা সমিতিয়েই বৰ্জন কৰিছে পূজাৰ জাকজমকতা, মাত্ৰ নিয়ম ৰক্ষা কৰি পূজা মণ্ডপসমূহত হৈছে আদিশক্তিৰ বন্দনা। 


অৱশ্যে এইবাৰ পূজাত ৰাইজৰ আনন্দই বেলেগ ৰূপ ধাৰণ কৰিলেহেঁতেন যদিহে প্ৰাণৰ শিল্পীজনৰ মৃত্যুৰ লগত জড়িত আধুনিক মহিষাসুৰকেইটাক আৰক্ষীয়ে ধৰিব পাৰিলেহেঁতেন। কিন্তু সেয়া যিহেতু নহ'ল সেয়েহে উকা হৈ ৰ'ল অসমীয়াৰ মন, সেমেকি গ'ল শাৰদীয় দুর্গাৎসৱ। 


গুৱাহাটী মহানগৰীতো এইবাৰ দেখিবলৈ পোৱা নগ'ল দুর্গা পূজাৰ সেই পাৰভঙা উৎসাহ, আনন্দ। আগতে দুর্গা পূজাৰ ১০ দিন আগৰ পৰাই যি ফাঁচি বজাৰ মানুহেৰে গপগপাই থাকে, যি ফাঁচি বজাৰৰ ক্রেতা-বিক্রেতাৰ চিঞৰ-বাখৰ দূৰ দূৰৰ পৰা শুনা যায়, সেই ফাঁচি বজাৰৰ বহু দোকানত এইবাৰ পূজাৰ বজাৰত 'বহনি'য়েই নহ'ল। মহানগৰীত মুঠ ৫১১খন পূজা অনুষ্ঠিত কৰা হৈছে যদিও পৰিৱেশ একেবাৰে শান্ত। জুবিনৰ মৎস্যস্পৰ্শ অনুষ্ঠানৰ লগত সংগতি ৰাখি নৱমী পূজাৰ দিনাই যোৰহাটত অনুষ্ঠিত কৰা হৈছে এক শ্রদ্ধাঞ্জলি অনুষ্ঠান। যোৰহাটৰ বাটেৰে, লুইতৰ ঘাটেৰে জগতসভালৈ যোৱা যোৰহটীয়া ৰাইজৰ মৰমৰ 'গ'ল্ডী'ৰ শ্রাদ্ধ আগত ৰাখি জানো যোৰহটীয়া ৰাইজে ৰং-ৰহইচ কৰিব পাৰিব! গতিকে যোৰহাটতো এইবাৰ পূজাৰ আনুষ্ঠানিকতাহে কৰা হ'ব মাত্র। কেৱল যোৰহাট বা গুৱাহাটীয়েই নহয়, সমগ্র ৰাজ্যত শোকত ভাগি পৰা ৰাইজে দুর্গতিনাশিনীক এইবাৰ উকা মনেৰে সেমেকা অন্তৰেৰে এটা প্রার্থনা জনাইছে- যেন মা দুর্গাই তেওঁৰ অন্তহীন পৰাক্ৰমেৰে জুবিনৰ মৃত্যুত জড়িত সকলো অসুৰ নিধন কৰি অসমীয়া আৰু অসমৰ আকাশখন পুনৰ ফৰকাল কৰি তোলে।


উৎসঃ দৈনিক জনমভূমি



FOLLOW US F
POPULAR
FEATURE
TRENDY
মধ্যপ্ৰদেশত চাঞ্চল্য! হোটেলত থকা প্ৰাপ্তবয়স্ক যুৱক-যুৱতীক ভুৱা গাঞ্জাৰ গোচৰত ফচোৱাৰ ভাবুকি; ৬ আৰক্ষী বিষয়া নিলম্বিত
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী