--°C
Loading...
Listen to Article
4 min read
80%

In Short

  • যোৰহাটবাসীৰ ওচৰত ক্ষমাৰ প্ৰাৰ্থী বুলি উল্লেখ কৰি জুবিন গাৰ্গৰ পত্নী গৰিমা শইকীয়া গার্গে কয় যে পৰিয়ালৰ সমস্যা তথা দেউতাৰ অসুস্থতাৰ বাবে যোৰহাটলৈ প্ৰথমে আহিব নোৱাৰিলোঁ। প্রথমে নিজৰ ঠাই যোৰহাটলৈ আহিব পৰা হ'লে সকলোৰে ভাল লাগিলেহেঁতেন।

ডিজিটেল ডেস্কঃ যোৰহাটৰ ৰাজহুৱা শ্রদ্ধাঞ্জলিত অংশগ্রহণ কৰি গৰিমা শইকীয়া গার্গে শিল্পীগৰাকীৰ সম্পর্কে কয় যে এক ঐশ্বৰিক আত্মা আমাৰ মাজত আছিল, যাক আমি কাষত থাকোঁতে চিনি নাপালোঁ। 


এই আত্মাই আমাক যিখিনি কথা কৈ গৈছে, যি কাম কৰি গৈছে সেইখিনিৰে অমৰ হ'ব। জীয়াই থাকোঁতে তেওঁ কেতিয়াবা কৈছিল মোৰ কথাবোৰ এতিয়া বুজি নাপায়, ১০-১৫ বছৰৰ পাছতহে বুজি উঠিব। 


আমি বুজি গৈ আছোঁ লাহে লাহে আৰু বহুত কথা এতিয়াও বুজিবলৈ বাকী আছে। কিন্তু তেওঁৰ সেই কথাবোৰ আমি যদি আগুৱাই লৈ যাব পাৰোঁ তেতিয়া এখন শান্তি-সম্প্রীতি আৰু এখন সৃষ্টিমুখী অসম পাম, তাৰে মই কামনা কৰোঁ। 


যোৰহাটবাসীৰ ওচৰত ক্ষমাৰ প্ৰাৰ্থী বুলি উল্লেখ কৰি জুবিন গাৰ্গৰ পত্নী গৰিমা শইকীয়া গার্গে কয় যে পৰিয়ালৰ সমস্যা তথা দেউতাৰ অসুস্থতাৰ বাবে যোৰহাটলৈ প্ৰথমে আহিব নোৱাৰিলোঁ। প্রথমে নিজৰ ঠাই যোৰহাটলৈ আহিব পৰা হ'লে সকলোৰে ভাল লাগিলেহেঁতেন। 


জুবিনে ইয়াৰ ধূলি-মাটি লৈ ডাঙৰ হৈছে, ইয়াতেই নিজৰ ভেটি স্থাপন কৰিছে। ইয়াৰ মানুহৰ আশিস লৈয়ে জুবিনে নিজৰ প্রফেশ্যনেল জীবন ইয়াতে আৰম্ভ কৰিছে। যোৰহাটলৈ ১৩দিনৰ মাংগলিক অনুষ্ঠান কৰিবলৈ আহিলোঁ। যোৰহাটৰ হাজাৰ হাজাৰ ভকত-বৈষ্ণৱ, বিভিন্ন ধর্মীৱলম্বী লোক আহি সর্বধর্মীয় প্রার্থনা কৰিছে। প্ৰাৰ্থনাৰে জুবিনক বিদায় দিছে, সকলোৱে মৰম-আদৰ সকলো দিছে। 


জুবিনৰ সিখন পৃথিৱীৰ যাত্রাও সুগম হ'ব। গৰিমা শইকীয়া গার্গে কয় যে জুবিনে যিখন অসমৰ সপোন দেখিছিল, সদায় ইতিবাচক কথাবোৰ কৈছিল। অসমৰ সকলোৰে মাজত মিলাপ্ৰীতিৰ কথা কৈছিল। কোনো জাতি-জনগোষ্ঠী, ধৰ্মৰ মাজত ভেদ ভাব নৰখাকৈ ৰাজহুৱা অনুষ্ঠানলৈ সকলো আহিছে। তেনেদৰে জুবিনে বিচৰাধৰণেৰে যেন সকলো মিলাপ্ৰীতিৰে থাকক। 


জুবিনৰ যিমানখিনি আদর্শ আছিল সকলোরে এই আদর্শ কঢ়িয়াই লৈ যাওক। তেনেদৰে আমাৰ মাজত তেওঁক জীয়াই ৰাখিব পাৰিম। তেওঁৰ সত্তাটো অমৰ সত্তা। ইফালে শ্যামকানু মহন্ত আৰু সিদ্ধার্থ শৰ্মাৰ গ্ৰেপ্তাৰৰ প্ৰসংগত গৰিমা শইকীয়া গার্গে কয় যে তেওঁলোকৰ মুখৰ পৰা উলিয়াওক সেইদিনাখন আচলতে কি হৈছিল। 


আমি সকলোৱে ইমানদিন ধৰি জানিব বিচাৰি আছোঁ। জুবিন গাৰ্গৰ দৰে এজন ব্যক্তিৰ লগত এনেকুৱা কিয় হ'ল? সেই প্রশ্নই আমাক খুলি খুলি খাইছে। তদন্ত ইতিমধ্যে আৰম্ভ কৰিছে। ন্যায় ব্যৱস্থাৰ ওপৰত আমাৰ সম্পূৰ্ণ আস্থা-বিশ্বাস আছে। সেয়েহে তদন্ত পানী নসৰকাকৈ হ'ব আৰু সকলো কথা ওলাই পৰিব। আমাৰ অসম চৰকাৰ, আৰক্ষী ন্যায় ব্যৱস্থাৰ ওপৰত সম্পূর্ণ আস্থা আছে। অতি শীঘ্রে এই ন্যায় পাম বুলি আমি বিশ্বাস কৰোঁ। তেওঁ ঘটনাটো ফাষ্টট্রেক আদালতত বিচাৰ হোৱাটো বিচাৰোঁ বুলি উল্লেখ কৰে।


উৎসঃ দৈনিক জনমভূমি


FOLLOW US F
POPULAR
FEATURE
TRENDY
মধ্যপ্ৰদেশত চাঞ্চল্য! হোটেলত থকা প্ৰাপ্তবয়স্ক যুৱক-যুৱতীক ভুৱা গাঞ্জাৰ গোচৰত ফচোৱাৰ ভাবুকি; ৬ আৰক্ষী বিষয়া নিলম্বিত
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী