শিলচৰত ভয়ংকৰ পথ দুৰ্ঘটনা , দুৰ্ঘটনাত এজনৰ মৃত্যু

ডিজিটেল ডেস্কঃ বিজয়া দশমীৰ পুৱা শিলচৰৰ মেহেৰপুৰত এক ভয়ংকৰ পথ দুৰ্ঘটনাক কেন্দ্ৰ কৰে তীব্ৰ উত্তেজনা।এখন দ্ৰুত গতিৰে অহা স্কৰ্পিঅ’ গাড়ীয়ে ৰাস্তা পাৰ হ'বলগা এজন ব্যক্তিক খুন্দা মাৰে। ঘটনাস্থলীতেই লোকজনৰ মৃত্যু হয়। মৃত ব্যক্তিজনৰ নাম সুশীল দাস

গাড়ীখন নিয়ন্ত্ৰণ হেৰুৱাই, পথত থকা আন কিছুমান লোককো আঘাত দিয়ে। প্ৰত্যক্ষদৰ্শী স্থানীয় ৰাইজে গাড়ীখন আটক কৰি তাত অগ্নিসংযোগ কৰে। লগতে ৰাস্তা অৱৰোধ কৰি তীব্ৰ প্ৰতিবাদ সাব্যস্ত কৰে।

এই ঘটনাৰ খবৰ পাই, শিলচৰ জ্যেষ্ঠ আৰক্ষী অধীক্ষক নোমাল মাহাত্তা নিজেই আৰক্ষী বাহিনী লৈ ঘটনাস্থলত উপস্থিত হয়। দমকল বাহিনীয়ে ঘটনাস্থলিত উপস্থিত হৈ জ্বলন্ত গাড়ীখনত থকা জুই নিৰ্বাপণ কৰে।

আৰক্ষীয়ে স্থানীয় ৰাইজৰ সৈতে আলোচনা কৰি পৰিস্থিতি নিয়ন্ত্ৰণত আনে। আৰক্ষীয়ে এতিয়া ঘটনা সন্দৰ্ভত তদন্ত আৰম্ভ কৰিছে।