ডিজিটেল ডেস্ক : বকলীয়াঘাটৰ ৰজাপথাৰ তিনিআলি গাঁৱত জুবিন গাৰ্গৰ আত্মাৰ সদগতিৰ বাবে নাম প্ৰসংগ। কাৰ্বি আংলং জিলাৰ বকলীয়াঘাটৰ ৰজাপথাৰ তিনিআলি গাঁৱৰ বিভিন্ন জাতি জনগোষ্ঠী সম্প্ৰতি সমন্বয়ে ৰাইজৰ সহযোগত জুবিন গাৰ্গৰ ৰাজহুৱা আদ্যশ্ৰাদ্ধ অনুষ্ঠিত হয়।
অসমৰ বিভিন্ন প্ৰান্তৰ লগতে শনিবাৰে বকলীয়াঘাটৰ ৰজাপথাৰ তিনিআলি গাঁৱত জুবিন গাৰ্গক শ্ৰদ্ধাঞ্জলি জনাই দিহানামৰ লগতে ভাগৱত পাঠ কৰি প্ৰিয় শিল্পীগৰাকীৰ আত্মাৰ সদগতিৰ কামনা কৰে।
অসমৰ হিয়াৰ আমঠু শিল্পী জুবিন গাৰ্গৰ মৃত্যুত শোকস্তব্ধ সমগ্ৰ অসম ৷ ৰাজহুৱা আদ্যশ্ৰাদ্ধ অনুষ্ঠানত গাঁৱৰ সমূহ ৰাইজে অংশগ্ৰহণ কৰে। প্ৰতিগৰাকী লোকৰ চকুত চকুপানী । প্ৰিয় শিল্পীগৰাকীক অকালতে হেৰুৱাই মৰ্মাহত প্ৰতি জন লোক।
মহান শিল্পী গৰাকীৰ আত্মাৰ সদগতি কামনাৰে সন্ধ্যা ২০০ গছি বন্তি প্ৰজ্বলন কৰা হ'ব লগতে প্ৰিয় শিল্পীগৰাকীৰ গীতৰ সোঁৱৰণী অনুষ্ঠান আয়োজন কৰিব বুলি জানিবলৈ দিয়ে।
জুবিন গাৰ্গৰ প্ৰতিচ্ছবিত বন্তি প্ৰজ্বলন কৰি শ্ৰদ্ধাঞ্জলি জনাই গাঁৱৰ ৰাইজে জুবিন গাৰ্গৰ মৃত্যুৰ উচিত তদন্ত কৰি দোষীক শাস্তি প্ৰদান কৰিবলৈ চৰকাৰক দাবী জনায় ৷
Continue Reading
