নাৰায়ণপুৰত বানৰ তাণ্ডৱ ; দোৰপাং-দিহিৰি নদীৰ বানত বুৰিল কেবাখনো গাঁও

ডিজিটেল ডেস্কঃ নিশাৰে পৰা হৈ থকা নেৰানেপেৰা বৰষুণৰ ফলত ভয়াবহ বানৰ কবলত পৰিছে নাৰায়ণপুৰ ৰাজহ চক্ৰৰ অন্তৰ্গত বহুকেইখন গাঁও।

অৰুণাচলৰ পাহাৰৰ পৰা বৈ অহা দিহিৰি, দোৰপাং নদীৰ পানী ফেনে ফুটুকাৰে বাঢ়ি অহাৰ ফলত হাহাকাৰ অৱস্থাৰ সৃষ্টি হৈছে ৰাইজৰ মাজত।নাৰায়ণপুৰ ৰাজহচক্ৰৰ অন্তৰ্গত মাঘনোৱা,পুলিনাহৰণী,তৰানিখাট,ফুটাভোগ আদি বহু কেইখন গাঁও বানৰ কৱলত।

১৫ নং ৰাষ্ট্ৰীয় ঘাইপথৰ পিছলাগুৰিৰ পৰা ৰঙতি সংযোগী লোক নিৰ্মাণ বিভাগৰ পথটিৰ ওপৰেৰে পানী বাগৰাৰ ফলত বিঘ্নিত হৈ পৰিছে যাতায়ত৷স্কুলীয়া ছাত্ৰ-ছাত্ৰীৰ পৰা সাধাৰণ পথচাৰীলৈকে যাতায়তৰ ক্ষেত্ৰত যথেষ্ট সমস্যাৰ সন্মুখীন হৈছে।

ঘৰ-বাৰীত পানী সোমোৱাৰ লগতে পুখুৰীসমূহো পানীত ডুবি যোৱাত চিন্তিত হৈ পৰিছে মৎস্য পালক সকল।পশুধন বান্ধিবলৈও ঠাইৰ অভাব হৈছে বান কবলিত অঞ্চল সমূহত।