ডিজিটেল ডেস্কঃ অসম অৰুণাচল সীমান্তবৰ্তী জোনাই সম-জিলাৰ অন্তৰ্গত চিমেন চাপৰিৰ আৰু জোনাইলৈ অৰুনাচলী সুৰাৰ অবৈধ বেহা ব্যাপক ধৰণে বৃদ্ধি পাইছে।
তদুপৰি অবৈধ অৰুণাচলী বিলাতী সুৰা আৰু চুলাইৰ ঘাটিত প্ৰস্তুত কৰা দেশীয় সুৰাৰ ৰমৰমীয়া বেহা চলাই এচামে সামাজিক পৰিবেশ বিনষ্ট কৰাৰ লগতে যুৱ প্ৰজন্মক ধ্বংসৰ গৰাহলৈ ঠেলি দি আহিছে। তেনে সময়তে জোনাই আৱকাৰী বিভাগে অবৈধ সুৰাৰ বিৰুদ্ধে অভিযান চলাই জব্দ কৰিলে বুজন পৰিমাণৰ অবৈধ অৰুণাচলী সুৰা।
জানিব পৰা মতে যিহেতু খ্ৰীষ্টমাছ সমাগত গতিকে অসমৰ অবৈধ সুৰা বিক্ৰেতাই অৰুণাচলী সুৰা বিক্ৰী সুযোগ গ্ৰহণ কৰি এই প্ৰতি লক্ষ্য ৰাখি সোমবাৰে ভাগত প্ৰায় ৩ বজাত জোনাই আৱকাৰী বিভাগৰ এটা দলে গোপন সুত্ৰৰ পম খেদি চিমেন চাপৰি ৰেলৱে ষ্টেচনত বুজন পৰিমাণৰ অবৈধ অৰুণাচলী সুৰা আনি থকা অৱস্থাত এখন বেটাৰী ৰিক্সাসহ বুজন পৰিমাণৰ অবৈধ অৰুণাচলী সুৰা জব্দ কৰে। লগতে অধিক তথ্যৰ বাবে বেটাৰী ৰিক্সাৰ চালকজনক জিম্মাত ৰখা বুলি জানিব পৰা গৈছে।
Continue Reading
