অসমীয়া ঠিকাদাৰক প্ৰহাৰ মিঞা শ্ৰমিকৰ ; আটক আইনুদ্দিন আলি, মহিম আলি আৰু মুজামিল হক

ডিজিটেল ডেস্ক : ডিব্ৰুগড় ৰে'ল ষ্টেছনত খিলঞ্জীয়া অসমীয়া যুৱকক প্ৰহাৰ মিঞা শ্ৰমিকৰ। কাকপথাৰ ডিৰাকৰ যতিন গোঁহাই নামৰ এজন ঠিকাদাৰক প্ৰহাৰ কৰে তিনিটা মিঞা শ্ৰমিকে।

প্ৰহাৰ কৰা শ্ৰমিক কেইজনক কাণত ধৰি আঁঠু কঢ়ালে দল সংগঠনৰ লোকে। প্ৰহাৰ কৰা শ্ৰমিক কেইজন হৈছে আইনুদ্দিন আলি, মহিম আলি, মুজামিল হক। ঘটনাস্থলীত ডিব্ৰুগড় আৰক্ষী উপস্থিত হৈ আটক কৰে শ্ৰমিক কেইজনক।

উল্লেখযোগ্য যে ডিব্ৰুগড়ৰ পুৰণি ৰেল ষ্টেছনত ইলেকট্ৰিকেলৰ ঠিকাদাৰ হিচাপে কাম কৰি আছিল কাকপথাৰ ডিৰাকৰ যতিন গোহাঁই নামৰ এজন ঠিকাদাৰে। প্ৰায় দুমাহৰ পূৰ্বৰে পৰা বঙাইগাঁৱৰ আইনুদ্দিন আলি, মহিম আলি আৰু মুজামিল হক নামৰ তিনিজন শ্ৰমিকে কাম কৰি আছিল যতিন গোহাঁইৰ অধীনত।

শ্ৰমিক তিনিজনে কামত কিছু গাফিলতি কৰাৰ বাবে ঠিকাদাৰ যতিন গোহাঁয়ে সামান্য গালি পাৰিছিল শ্ৰমিক তিনিজনক। সামান্য গালি পাৰোঁতেই আইনুদ্দিন আলি, মহিম আলি, মুজামিল হক নামৰ শ্ৰমিক তিনিজনে ঠিকাদাৰ যতিন গোঁহাইক উপৰ্যুপৰি প্ৰহাৰ কৰাৰ ফলত আহত হয় ঠিকাদাৰ জন।

ইয়াৰ উপৰিও প্ৰাণে মৰাৰ ভাবুকি দিয়ে শ্ৰমিক কেইজনে। তাৰ পিছতেই স্থানীয় দল সংগঠনৰ লোক উপস্থিত হৈ আঁঠু কঢ়াই থয় শ্ৰমিক কেইজনক। পৰৱৰ্তী পৰ্যায়ত ডিব্ৰুগড় আৰক্ষী উপস্থিত হৈ আটক কৰি থানালৈ লৈ যায় শ্ৰমিক আইনুদ্দিন আলি, মহিম আলি আৰু মুজামিল হকক।