স্বদেশলৈ উভতিল পেৰাচাইক্লিষ্ট ৰাকেশ বণিক

ডিজিটেল ডেস্কঃ ছয় হাজাৰ কিলোমিটাৰ অতিক্ৰম কৰি ৰাকেশে এখন ভৰিৰে চাইকেল চলাই ভ্ৰমণ কৰিলে ৫খন দেশ।

অসমৰ পর্যটন, ফিট ইণ্ডিয়া আন্দোলনৰ প্রচাৰ কৰি ‘ভল্গাৰ পৰা ব্ৰহ্মপুত্ৰলৈ’ চাইকেল যাত্ৰা কৰি গৃহভূমিত উপস্থিত হ'লহি ৰাকেশ। প্ৰায় ৬ হাজাৰ কিলোমিটাৰ যাত্ৰা সম্পূৰ্ণ কৰি আজি গুৱাহাটীত উপস্থিত হ'ল।

নেহেৰু ষ্টেডিয়ামত ফুলাম গামোচা চেলেঙেৰে উষ্ম আদৰণি জনালে ৰাকেশ বণিকক। আদৰণি জনাই বিশিষ্ট সাংবাদিক,ক্ৰীড়া সংগঠক প্ৰণয় বৰদলৈ,মহানগৰ আৰক্ষী আয়ুক্ত পাৰ্থসাৰথি মহন্ত,অসম পৰ্যটন নিগমৰ পৰিচালন সঞ্চালক পদ্মপাণি বৰাৰ লগতে কেইবাগৰাকীও ক্ৰীড়া সংগঠকে।

‘ভল্গাৰ পৰা ব্ৰহ্মপুত্ৰলৈ’ শীৰ্ষক তিনিমাহ জোৰা চাইকেল যাত্ৰা সামৰি পেৰাচাইক্লিষ্টগৰাকীয়ে ক’লে যাত্ৰাকালৰ বহু ভয়াৱহ অভিজ্ঞতাৰ কথা। মস্কোৰ পৰা গুৱাহাটীলৈ উভতি দীর্ঘ দূৰত্ব অতিক্ৰম কৰা ৰাকেশ বনিকেই হৈছে প্ৰথমগৰাকী ভাৰতীয়। এই অভিযান কালত ৰাকেশ বনিকে ভ্ৰমণ কৰিছে ৰাছিয়া, কাজাখস্তান, কিৰগিস্তান, আফগানিস্তান আৰু নেপাল।