নিয়ম ভংগকাৰী ৰিক্সাৰ বেটাৰী জব্দ

ডিজিটেল ডেস্কঃ পুনৰ বেটাৰী চালিত ৰিক্সাৰ বিৰুদ্ধে গুৱাহাটী মহানগৰত পৌৰ নিগমৰ অভিযান আৰম্ভ হৈছে। পৌৰ নিগমৰ এনফ'চমেন্ট বিভাগে আজি লঘু যান-বাহন আইন ভংগ কৰি তীব্র গতিত চলা বহুসংখ্যক ৰিক্সাৰ বিৰুদ্ধে অভিযান চলাই বেটাৰীসমূহ জব্দ কৰে।

২০২৩ চনতে গ্রহণ কৰা এক সিদ্ধান্তৰ ভিত্তিত পৌৰ নিগমে এই অভিযান পুনৰ আৰম্ভ কৰে। পৌৰ নিগমৰ এম আই চি বৈঠকৰ সিদ্ধান্ত মর্মে বেটাৰী চালিত ৰিক্সাৰ বিৰুদ্ধে আছিল কঠোৰ নিৰ্দেশনা। ইয়াৰ পাছত সময়ে সময়ে এই ৰিক্সাসমূহৰ বিৰুদ্ধে অভিযান চলিছিল যদিও এইবাৰ অধিক কঠোৰ হৈ পৰিছে গুৱাহাটী পৌৰ নিগম।

উল্লেখযোগ্য যে, মহানগৰৰ চিটিবাছ, শ্বেয়াৰ টেক্সি, চলাচল কৰি থকা মূল পথতে বিপজ্জনকভাবে বেটাৰী চালিত ৰিক্সা চলাচল কৰি আছে। মহানগৰৰ বিভিন্ন পথত চলাচল কৰি থকা এইসমূহ ৰিক্সাৰ বাবে পথত যান-জট সৃষ্টি হোৱাৰ লগতে সময়ে সময়ে দুর্ঘটনা সংঘটিত হৈ আহিছে অবৈধভাৱে চলাচল কৰা এই সমূহ বেটাৰী চালিত ৰিক্সাৰ বাবেই পথত সমস্যা বৃদ্ধি পোৱাৰ লগতে জীৱনৰ নিৰাপত্তা নথকা এইসমূহ ৰিক্সাৰ বাবে ভয়ানক বিপদৰ সৃষ্টি হোৱাৰ আশংকা কৰা হৈছে।

বর্তমান মহানগৰৰ পথসমূহত সহস্রাধিক বেটাৰী চালিত ৰিক্সা দৈনিক চলাচল কৰে। বিশেষকৈ কামৰূপ মহানগৰ জিলা উপায়ুক্ত এম অংগমুথুৰ দিনতেই মহানগৰৰ পথত অবৈধভাবে চলি থকা বেটেৰিচালিত ৰিক্সাসমূহ পৰিবহণ বিভাগৰ নিয়ম মতে দাঁতি-কাষৰীয়া এলেকাত চলাচল কৰাৰ নির্দেশ জাৰি কৰিছিল। কিন্তু তাৰ পাছতো এইসমূহ ৰিক্সাৰ গৰাকীয়ে আজি পর্যন্ত প্রশাসনৰ নিয়ম উলংঘা কৰি আহিছে।

উৎসঃ দৈনিক জনমভূমি