কুদৰতপুৰলৈ ৰূপান্তৰ হ'ল মহানগৰীৰ সূৰ্যপাহাৰ

ডিজিটেল ডেস্ক : অসমীয়াৰ তালুতে এইবাৰ ব্ৰহ্মখোঁট। গুৱাহাটীৰ সূৰ্যপাহাৰৰ নাম সলনি কৰি কুদৰতপুৰ কৰা হ'ল। আনকি সূর্য মন্দিৰৰ সমীপতে একাংশ সন্দেহজনক নাগৰিকে সাজিলে মাদ্রাছা-মছজিদো।

যিসময়ত মুখ্যমন্ত্রী ড° হিমন্ত বিশ্ব শৰ্মাৰ নেতৃত্বত ৰাজ্যজুৰি উচ্ছেদ অভিযান চলি আছে সেই সময়তে খোদ গুৱাহাটী মহানগীৰৰ আদিংগিৰিৰ সূৰ্যপাহাৰত একাংশ সন্দেহজনক লোকে বসতি স্থাপন কৰিছে। এসময়ৰ সেউজ পাহাৰখন কাটি গাঁও স্থাপন কৰিছে এইসকল লোকে।

জানিব পৰা মতে, সূৰ্যপাহাৰৰ বনভূমি দখল কৰি ৩০০-ৰো অধিক সন্দেহজনক লোকে স্থায়ী ঘৰ সাজি বসতি স্থাপন কৰিছে।

তেওঁলোকক ক'ৰ পৰা আহিছে বুলি সুধিলে তেওঁলোকে বৰপেটা, নগৰবেৰাৰ পৰা অহা বুলি উল্লেখ কৰে। সকলোতকৈ ডাঙৰ কথা যে সূৰ্যপাহাৰত স্থাপন কৰা হৈছে মছজিদ আৰু মাদ্রাছাও। এতিয়া নিতৌ সূৰ্যপাহাৰৰ পৰা ভাঁহি আহে আজানৰ শব্দ। যাৰ ফলত পাহাৰখনত থকা সূর্য মন্দিৰটো একপ্ৰকাৰ অস্তিত্বহীন হৈ পৰিছে। মাদ্ৰাছাখন সুদূৰ হাইলাকান্দিৰ পৰা অহা হজৰত শ্বেইখ আলাউদ্দিন ৰতনপুৰী নামৰ লোকজনে পৰিচালনা কৰি আছে। স্থানীয় লোকে প্রকাশ কৰা মতে, পাহাৰখনলৈ আজিকালি বহুতো অচিনাক্ত লোকৰ সমাগম হয়।

উক্ত লোকসকলে গুৱাহাটী মহনগৰীৰ সুৰক্ষাৰ প্ৰতি ভাবুকি কঢ়িয়াই আনিব পাৰে বুলিও শংকা কৰি স্থানীয় ৰাইজে সন্দেহযুক্ত নাগৰিকসকলক উচ্ছেদ কৰি অঞ্চলটো বেদখলমুক্ত কৰাৰ লগতে ঐতিহ্যমণ্ডিত সূর্য মন্দিৰটো সুন্দৰকৈ গঢ়ি তোলাৰ বাবে দাবী জনাইছে।

ইফালে, বুধবাৰে সূৰ্যপাহাৰত হোৱা এই দখলৰ কথা সংবাদ মাধ্যমে প্রকাশ কৰাৰ পাছতেই উক্ত স্থানত উপস্থিত হৈ ৰাজহ চক্ৰ বিষয়া ৰাজা বৈশ্যই পৰিস্থিতিৰ বুজ লয়। বৈশ্যই উক্ত অঞ্চলত দুশ ঘৰৰো অধিক লোক আছে বুলি উল্লেখ কৰি প্রশাসনে শীঘ্রেই এই অঞ্চলটোত উচ্ছেদ চলাব বুলি প্রকাশ কৰিছে।

উৎসঃ দৈনিক জনমভূমি