ডিজিটেল ডেস্ক: শ্ৰীভূমিত সংঘটিত হ'ল ভয়ংকৰ ডকাইতি কাণ্ড। গৃহস্থক হাত ভৰি বান্ধি তাণ্ডব ডকাইত দলৰ। লুটি নিলে নগদ প্ৰায় এক লাখ টকা সহ বৃহত পৰিমাণৰ সোণৰ অলংকাৰ। ৰামকৃষ্ণনগৰ আৰক্ষী থানাৰ অন্তৰ্গত ঠেংগাৰগুল গাঁৱৰ ৰাহুল পালৰ ঘৰত সংঘটিত হৈছে এই চাঞ্চল্যকৰ ঘটনা।
ঘটনাৰ অভিযোগ মতে যোৱা নিশা প্ৰায় দুই মান বজাত অস্ত্ৰধাৰী ডকাইতৰ ৫/৬ জনীয়া এটা দলে ঘৰৰ গ্ৰীল ভাঙি প্ৰৱেশ কৰি লুটি নিয়ে নগদ ধন সহ সোনৰ অলংকাৰ। ঘৰৰ প্ৰতিজন সদস্যক বান্ধি থৈ ডকাইতৰ দলে চলাইছিল লুটপাত।
ডকাইতৰ দলে নগদ এক লাখ টকাৰ সমান্তৰালকৈ প্ৰায় ২০ তুলা সোণৰ অলংকাৰ লৈ যায়।
ডকাইত দলৰ আক্ৰমণত আহত হৈছে ঘৰৰ আটাইকেইজন সদস্য। ইতিমধ্যে ঘটনাস্থলীত উপস্থিত হৈছে জ্যেষ্ঠ আৰক্ষী অধীক্ষক পাৰ্থ প্ৰতিম দাস সহ বিশাল আৰক্ষী বাহিনী। স্নিফাৰ ডগ'ৰ জৰিয়তে চলোৱা হৈছে তদন্ত প্ৰক্ৰিয়া।
উল্লেখ্য যে সঘনাই জিলাৰ ভিন্ন প্ৰান্তত চুৰি ডকাইতিৰ ঘটনাত এক আতংকময় পৰিৱেশ জিলাখনত বিৰাজ কৰিছে।
Continue Reading
