হামবাৰ্গৰ ইণ্ডিয়া উইকত অসমৰ সাংবাদিকৰ চুটি ছবি প্ৰদৰ্শিত

ডিজিটেল ডেস্ক : অসমৰ এখন আগশাৰীৰ ইংৰাজী কাকতৰ সাংবাদিক ফাৰহানা আহমেদৰ চুটি ছবি 'এক’জ ফ্ৰম দ্য ব্লু হিলছ'ৰ মঙলবাৰে নিশা জাৰ্মানীৰ হামবাৰ্গৰ ইণ্ডিয়া উইকত প্ৰদৰ্শিত হয়।২৩ জুনৰ পৰা চলি থকা ইণ্ডিয়া উইক-হামবাৰ্গৰ সাংস্কৃতিক শিতানৰ অংশ হিচাপে হামবাৰ্গৰ আবাটন কিনো চিনেমা হলত প্ৰদৰ্শন কৰা হয় এই চুটি ছবি।

'এক’জ ফ্ৰম দ্য ব্লু হিলছ ' হৈছে অসমৰ চাহ বাগিচাৰ যুৱক-যুৱতীৰ সৰবৰাহৰ বিষয়ে যিটো সাংবাদিক আহমেদে প্ৰযোজনা আৰু পৰিচালনা কৰিছিল।ছবিৰ প্ৰদৰ্শনৰ অন্তত পৰিচালকৰ সৈতে এক মুখামুখি অনুষ্ঠানৰ আয়োজন কৰা হয়। য’ত জাৰ্মানীত থকা প্ৰৱাসী অসমীয়াসকলৰ এটা দলেও অংশগ্ৰহণ কৰে। অনুষ্ঠানত জাৰ্মানীত থকা প্ৰৱাসী অসমীয়া সমাজৰ হৈ ফাৰহানা আহমেদক সম্বৰ্ধনা জনায় হামবাৰ্গত থকা অসমীয়া প্ৰবাসী শ্ৰীমন্ত ভূঞাই।