শিক্ষাদানৰ পৰা বিৰত থাকি বিহাৰত এইবাৰ বাটৰ কুকুৰ গণনা কৰিব শিক্ষকে ! প্রথমে লোকপিয়ল, তাৰ পাছত নির্বাচনী কাম

ডিজিটেল ডেস্ক : এখন সমাজ, ৰাজ্য অথবা দেশক শিক্ষাৰ জ্যোতিৰে আগুৱাই নিয়াৰ ক্ষেত্ৰত শিক্ষাগুৰুসকলৰ ভূমিকা অপৰিসীম।

শিক্ষা দানেৰে ছাত্ৰ-ছাত্রীক মানুহ হিচাপে গঢ়ি তোলাই শিক্ষাগুৰু বা শিক্ষকৰ কাম বা ধৰ্ম। কিন্তু বিহাৰত আকৌ শিক্ষকৰ কাম বেলেগ। ৰাজ্যখনত শিক্ষকতা যেন শিক্ষকৰ বৃত্তি নহয়। বিহাৰ চৰকাৰৰ নির্দেশনাই তাকেই প্ৰমাণ কৰে। 

বিহাৰত লোকপিয়ল, নির্বাচনী দায়িত্ব শিক্ষকক দিয়াৰ পাছত এইবাৰ বাটৰ কুকুৰ গণনা কৰাৰ দায়িত্ব দিয়া হৈছে সন্মানীয় শিক্ষাগুৰুসকলক। ৰাজ্যখনৰ ছাছাৰাম পৌৰ নিগমৰ অধীনৰ বিদ্যালয়সমূহৰ শিক্ষকলৈ পথৰ কুকুৰৰ তথ্য সংগ্ৰহ কৰি নিগমক জমা দিবলৈ নির্দেশ দিয়া হৈছে। 

নির্দেশনাটোত কোৱা হৈছে যে বিদ্যালয়সমূহৰ পৰা এজনকৈ শিক্ষকক ন'ডেল বিষয়া হিচাপে নিয়োগ কৰি বিদ্যালয়ৰ দাঁতিকাষৰীয়া অঞ্চলৰ পথৰ কুকুৰৰ তথ্য সংগ্ৰহ কৰিব লাগিব।

উৎসঃ দৈনিক জনমভূমি