--°C
Loading...
Listen to Article
4 min read
80%

In Short

  • এছ আই টিয়ে কালি পুনৰ শ্যামকানু মহন্তৰ বাসগৃহত অভিযান চলাই বহু বিত্তীয় খেলিমেলিৰ তথ্য উদ্ধাৰ কৰাত চি আই ডিয়ে এটা নিজাববীয়া গোচৰ ৰুজু কৰে।

ডিজিটেল ডেস্কঃ অসমীয়াৰ প্ৰাণৰ শিল্পী জুবিন গাৰ্গৰ মৃত্যুৰ ৰহস্য উদ্‌ঘাটন কৰিবলৈ চি আই ডি আৰু এছ আই টিয়ে জোৰদাৰ তদন্ত অব্যাহত ৰাখিছে। এছ আই টিয়ে দেওবাৰে প্রয়াত জুবিন গাৰ্গৰ বাসগৃহলৈ গৈ তেওঁৰ পৰিয়ালৰ সৈতে পুনৰবাৰ আলোচনা কৰে। 


আনহাতে, এছ আই টিয়ে কালি পুনৰ শ্যামকানু মহন্তৰ বাসগৃহত অভিযান চলাই বহু বিত্তীয় খেলিমেলিৰ তথ্য উদ্ধাৰ কৰাত চি আই ডিয়ে এটা নিজাববীয়া গোচৰ ৰুজু কৰে। আনহাতে, চি আই ডিৰ কাৰ্যালয়ত দ্বিতীয় দিনাও জুবিন গাৰ্গৰ সহশিল্পী অমৃতপ্রভা মহন্ত, বাদ্যযন্ত্রী শেখৰজ্যোতি গোস্বামী আৰু অভিনেত্রী নিশিতা গোস্বামীক এছ আই টিয়ে মাৰাথন জেৰা কৰে। লক্ষণীয় যে শনিবাৰে পৰিয়ালবৰ্গই জুবিন গাৰ্গৰ মৃত্যুৰ দিনটোত ছিংগাপুৰত থকা অসমৰ সকলোৰে বিৰুদ্ধে গোচৰ তৰিছিল। সেই সংক্রান্ততে এছ আই টিৰ দলটোৱে শিল্পীজনৰ পৰিয়ালৰ সৈতে পুনৰ আলোচনা কৰে। 


ইফালে যি নর্থ-ইষ্ট ফেষ্টিভেলত অংশগ্রহণ কৰিবলৈ জুবিন গাৰ্গ ছিংগাপুৰলৈ গৈছিল সেই ফেষ্টিভেলৰ আয়োজক শ্যামকানু মহন্তৰ বিৰুদ্ধে এইবাৰ বিস্ফোৰক তথ্য উদ্ধাৰ কৰিছে এছ আই টিয়ে। এছ আই টিয়ে পূর্বে অভিযান চলাই ছীল কৰি দিয়া শ্যামকানু মহন্তৰ বাসগৃহত কালি পুনৰ অভিযান চলায়। তালাচী অভিযানত ইমান দিনে কৰি অহা ভয়ংকৰ বিত্তীয় খেলিমেলিৰ তথ্য উদ্ধাৰ হয়। 


শ্যামকানু মহন্তই ইমানদিনে ভয়ংকৰ জালিয়াতি আৰু প্ৰৱঞ্চনা কৰি অহাৰ তথ্যও লাভ কৰে দলটোৱে। লক্ষণীয়ভাৱে শ্যামকানু মহন্তৰ কোম্পানী ট্রেণ্ডছ এম এম এছৰ নামত উদ্ধাৰ হোৱা দুখন পান কাৰ্ডৰ উপৰি বহু চৰকাৰী বিষয়া আৰু কোম্পানীৰ ছীল-মোহৰ উদ্ধাৰ কৰে এছ আই টিয়ে। ইয়াৰ উপৰি বহু বেনামী সম্পত্তিৰ নথি-পত্ৰ আৰু অনৈতিকভাৱে বিত্তীয় সুবিধা লাভৰ বহু তথ্য লাভ কৰে অভিযানকাৰী দলটোৱে। অভিযানকাৰী এছ আই টিয়ে বিভিন্ন চৰকাৰী বিষয়া আৰু বিভিন্ন কোম্পানীৰ নামত থকা প্রায় ৩০টা ছীল-মোহৰ জব্দ কৰে। এছ আই টিয়ে তেওঁ বিত্তীয় অনিয়ম, জালিয়াতি আৰু প্ৰৱঞ্চনাৰ তথ্য লাভ কৰাৰ পাছত চি আই ডিয়ে তেওঁৰ বিৰুদ্ধে নিজাববীয়া গোচৰ ৰুজু কৰিছে। শ্যামকানু মহন্তৰ বিৰুদ্ধে বিত্তীয় অনিয়মৰ অভিযোগ উত্থাপন কৰি চি আই ডিয়ে ১৯/২০২৫ নম্বৰত গোচৰ ৰুজু কৰে। আনহাতে, এছ আই টিয়ে দিল্লীত পুনৰ অভিযান চলোৱাৰ বাবে সাজু হৈছে। এছ আই টিৰ এটা দল দিল্লীত বাহৰ পাতি লৈছে এই অভিযানৰ বাবে। 


ইফালে অহা ৩০ ছেপ্টেম্বৰত এছ আই টিৰ এটা দলে ছিংগাপুৰলৈ গৈ জুবিন গাৰ্গৰ মৃত্যুৰ তদন্ত কৰিব। চি আই ডিৰ এছ এছ পি সুধাকৰ সিঙৰ নেতৃত্বত যাবলগীয়া দলটোৱে ছিংগাপুৰত জুবিন গাৰ্গ থকা হোটেল আৰু ঘটনাস্থলীত অনুসন্ধান কৰাৰ লগতে ছিংগাপুৰ আৰক্ষীৰ পৰা প্ৰাথমিক তদন্তৰ তথ্য সংগ্ৰহ কৰিব। লক্ষণীয় যে জুবিন গাৰ্গৰ মৃত্যুৰ বাবে অভিযুক্ত হোৱা দুই মুখ্য ব্যক্তি শ্যামকানু মহন্ত আৰু শিল্পীজনৰ মেনেজাৰ সিদ্ধার্থ শৰ্মা দিল্লীত আত্মগোপন কৰি থকাৰ সন্দেহ কৰা হৈছে। ইফালে ঘটনাৰ দিনা ছিংগাপুৰত থকা তিনি অসমীয়া অমৃতপ্রভা মহন্ত, শেখৰজ্যোতি গোস্বামী আৰু নিশিতা গোস্বামীক কালি এছ আই টিয়ে পুনৰ দীর্ঘ সময় ধৰি জেৰা কৰে। লক্ষণীয় যে চি আই ডিয়ে কালি তেওঁলোকক প্রায় ১০ ঘণ্টা সময় জেৰা কৰিছিল। লক্ষণীয় যে জুবিন গাৰ্গৰ সৈতে ছিংগাপুৰলৈ যোৱা দলটোত আছিল সহঃ শিল্পী অমৃতপ্রভা মহন্ত আৰু বাদ্যযন্ত্ৰী শেখৰ গোস্বামীও। আনহাতে, নর্থ-ইষ্ট ফেষ্টিভেলত ঘোষিকা হিচাপে অংশ ল'বলৈ গৈছিল অভিনেত্রী নিশিতা গোস্বামী। লক্ষণীয় যে অভিশপ্ত সময়ত জুবিন গাৰ্গৰ সৈতে শেখৰ গোস্বামী কাষতে আছিল। একেদৰে য়াটত গায়িকা অমৃতপ্রভা মহন্তও আছিল। আজি চি আই ডিৰ কাৰ্যালয়ত উপস্থিত হোৱাৰ পাছত শেখৰজ্যোতি গোস্বামীয়ে সংবাদ মাধ্যমৰ সন্মুখত প্রকাশ কৰে যে ৰাইজৰ প্ৰতিটো প্রশ্নয়ে প্রশাসনে তেওঁলোকক সুধি আছে। তেওঁৰ জীৱনৰ শেষ মুহূৰ্তলৈকে যিমানবাৰ প্রশাসনে মাতিব সিমানবাৰেই সহায় কৰি যাব বুলিও কয়। তদন্তৰ খাতিৰত তেওঁ এতিয়াই সকলো কথা ক'ব নোৱাৰে যদিও জুবিন গার্গে ন্যায় পোৱাটো তেওঁৰ অন্তৰাত্মাৰো কাম্য বুলি কয়।


উৎসঃ দৈনিক জনমভূমি


FOLLOW US F
POPULAR
FEATURE
TRENDY
মধ্যপ্ৰদেশত চাঞ্চল্য! হোটেলত থকা প্ৰাপ্তবয়স্ক যুৱক-যুৱতীক ভুৱা গাঞ্জাৰ গোচৰত ফচোৱাৰ ভাবুকি; ৬ আৰক্ষী বিষয়া নিলম্বিত
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী