ডিজিটেল ডেস্ক : ক্ৰীড়াপ্ৰেমী সকলৰ বাবে ভাল খবৰ। উত্তৰ গুৱাহাটীত আজি দুখনকৈ উন্নত মানৰ ক্ৰীড়া একাডেমী মুকলি কৰিলে মুখ্যমন্ত্ৰী ড° হিমন্ত বিশ্ব শৰ্মাই। যিয়ে ক্ৰীড়া ক্ষেত্ৰলৈ এক সুখৰ বন্যা কঢ়িয়াই আনিছে।
ক্ৰীড়া একাডেমী দুখন মুকলি কৰে ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাই। ইয়াৰে এখন অসম ক্ৰিকেট সন্থাৰ ক্ৰিকেট একাডেমী আৰু আনখন হৈছে গুৱাহাটী টাউন ক্লাবৰ ফুটবল একাডেমী। আজিৰ এই অনুষ্ঠানত উপস্থিত থাকে BCCIৰ সচিব দেৱজিৎ শইকীয়া,মন্ত্ৰী অশোক সিংহলকে ধৰি বহুকেইজন গন্য মান্য ব্যক্তি । আনহাতে অনুষ্ঠানৰ আদৰণি ভাষণ আগবঢ়ায় ভাৰতীয় ক্ৰিকেট নিয়ন্ত্ৰণ ব'ৰ্ডৰ সচিব দেৱজিৎ শইকীয়াই।
উল্লেখযোগ্য যে উত্তৰ ফুলুং ডেকাবাৰীৰ ৪০ বিঘা ভূমিত নিৰ্মাণ কৰা এই দুখন ক্ৰীড়া একাডেমী। এই একাডেমী দুখনত উপলভ্য হ'ব হোষ্টেল, জিম, পেভিলিয়ন, ইনড'ৰ ষ্টেডিয়াম, খেলপথাৰকে ধৰি সকলো ধৰণৰ সা- সুবিধা। আনহাতে একাডেমী দুখনৰ জৰিয়তে ৰাজ্যত ক্ৰীড়া ক্ষেত্ৰত আমূল পৰিৱৰ্তন আহিব বুলি মুখ্যমন্ত্ৰীগৰাকীয়ে উল্লেখ কৰে।
উৎসঃ দৈনিক জনমভূমি
Continue Reading
