দুই নেশ্যনেল গার্ডক হত্যাৰ পাছতেই প্ৰব্ৰজনকাৰীৰ বিৰুদ্ধে কঠোৰ ট্রাম্প প্রশাসন, আমেৰিকাত সোমাবলৈ লাগিব ডি এন এৰ তথ্য

ডিজিটেল ডেস্ক: আমেৰিকাত প্ৰৱেশ কৰিবলৈ বিদেশী নাগৰিকে সম্মুখীন হ'ব লাগিব কঠোৰ নীতি-নিয়মৰ। আমেৰিকাৰ নতুন ভিছা নীতি অনুসৰি, বিদেশী পর্যটকে দেশখনত প্ৰৱেশৰ বাবে তেওঁলোকৰ সামাজিক মাধ্যমৰ তথ্য, টেলিফ'ন নম্বৰ, ব্যৱহাৰ কৰা ই-মেইল ঠিকনা আৰু ডি এন এৰ দৰে বায়'মেট্রিক আদি দাখিল কৰিব লাগিব। 

আমেৰিকাৰ এই 'ভিছা ৱেইভাৰ প্রগ্রেম' অতি সোনকালে প্ৰৱৰ্তন কৰা হ'ব। আমেৰিকাৰ সীমা শুল্ক আৰু সীমান্ত সুৰক্ষাই শেহতীয়াকৈ প্ৰকাশ কৰা এখন নতুন জাননী এতিয়া ৰাজহুৱা পর্যালোচনাৰ বাবে মুকলি কৰা হৈছে। বিদেশী নাগৰিক আমেৰিকালৈ গ'লে দেশখনত প্ৰৱেশৰ পূৰ্বে তেওঁলোকৰ সামাজিক মাধ্যমৰ তথ্য আৰু অন্য উচ্চমানৰ ডাটা দাখিল কৰিব লাগিব। 

যিসকল বিদেশীয়ে ভিছা নোহোৱাকৈ দেশখন ভ্রমণ কৰিব খোজে, তেওঁলোকেও এই পদ্ধতিৰ অধীনত আমেৰিকাত প্ৰৱেশ কৰিব পাৰিব। ভ্রমণ ভিছা নোহোৱাকৈ আমেৰিকাত ৯০ দিন বাস কৰিবৰ বাবে বিশ্বৰ ৪২খন দেশৰ নাগৰিকৰ বাবে এই নতুন নিয়ম প্রযোজ্য হ'ব। এটা ইলেক্ট্রনিক পদ্ধতি, 'এষ্টা' (ইলেক্টনিক ছিষ্টেম ফৰ ট্রেভেল অথ'ৰাইজেশ্যন)ৰ জৰিয়তে বিদেশী নাগৰিকৰ তথ্য পৰীক্ষা কৰা হ'ব। 

উল্লেখযোগ্য যে ৱাশ্বিংটনৰ হোৱাইট হাউছৰ সমীপত দুজন মার্কিন নেশ্যনেল গার্ডক গুলীয়াই হত্যা কৰাৰ পাছতেই ট্রাম্প প্রশাসনে ৩০খন দেশৰ নাগৰিকৰ আমেৰিকা ভ্রমণ নিষিদ্ধ কৰিছিল আৰু প্ৰব্ৰজনকাৰীক নিয়ন্ত্রণ কৰিবলৈ ট্রাম্প প্রশাসনে শেহতীয়াকৈ এই পদক্ষেপ লোৱাৰ সিদ্ধান্ত লৈছে। অৱশ্যে, এই নতুন ভিছা পদ্ধতিৰ আওতাত ভাৰত নপৰে যদিও বিশ্বৰ ৪০খন দেশৰ নাগৰিক ইয়াৰদ্বাৰা প্ৰভাৱিত হ'ব।

উৎসঃ দৈনিক জনমভূমি