কণ্ঠশিল্পী মানস ৰবীনলৈ 'গণ শিল্পী ৰাজীৱ শদিয়া সোঁ‌ৱৰণী বঁ‌টা' ; ৰসবাৰী পৰ্যটন মেলাৰ উদযাপন সমিতিয়ে প্ৰদান কৰে এই বঁটা

ডিজিটেল ডেস্কঃ তিনিচুকীয়া জিলাৰ ফিল'বাৰীৰ ৰসবাৰী গাঁ‌ৱৰ তৰাণী সংৰক্ষিত বনাঞ্চলৰ সমীপৰ দুৱাৰমৰা নদীৰ পাৰত ১০ জানুৱাৰী পৰা অনুষ্ঠিত হৈছে অষ্টম সংখ্যক ৰসবাৰী গ্ৰাম্য পৰ্যটন মেলা ২০২৬। 

গ্ৰাম্য অৰ্থনীতিক সবল কৰাৰ উদ্দেশ্যৰে ২০১৪ চনৰ পৰাই অনুষ্ঠিত হৈ আহিছে ৰসবাৰী গ্ৰাম্য পৰ্যটন মেলা। দিনৰ ভাগত বিভিন্ন প্ৰতিযোগিতা, সাংস্কৃতিক অনুষ্ঠান অনুষ্ঠিত হোৱা পিছত নিশালৈ কণ্ঠশিল্পী মানস ৰবীনক প্ৰথমবাৰৰ বাবে প্ৰদান কৰে "গণ শিল্পী ৰাজীৱ শদিয়া সাংস্কৃতিক বঁ‌টা"। 

গণ শিল্পী গৰাকীৰ পিতৃ,পত্নী,পুত্ৰ ভাতৃৰ সন্মুখত গ্ৰহণ কৰে কণ্ঠশিল্পী মানস ৰবীনে এই সন্মান। এই বঁ‌টাত প্ৰদান কৰা সমস্ত মাননি গণ শিল্পী ৰাজীৱ শদিয়াৰ পুত্ৰ ৰিবু শদিয়া গগৈক উপহাৰ হিচাপে প্ৰদান কৰি মানস ৰবীনে মহানুভাৱতা দেখুৱাই। ইয়াৰ লগতে ৰসবাৰী পৰ্যটন মেলা উদযাপন সমিতিৰ প্ৰতি জনাই বিশেষ আহ্বান, অহা বৰ্ষৰ পৰা গণ শিল্পী ৰাজীৱ শদিয়া সাংস্কৃতিক বঁ‌টা গণ শিল্পী ৰাজীৱ শদিয়াতকৈ কম বয়সৰ শিল্পীক এই বঁ‌টা প্ৰদান কৰিবলৈ আহ্বান জনায়।

উল্লেখযোগ্য যে ২০২৫ বৰ্ষৰ ১২ জানুৱাৰী তাৰিখে ৰসবাৰী পৰ্যটন মেলাত গীত পৰিৱেশন কৰি থকা সময়ত হঠাৎ অসুস্থ হৈ মঞ্চৰ ওপৰৰ পৰা তললৈ ঢলি পৰি ১৩ জানুৱাৰী তাৰিখে অসম চিকিৎসা মহাবিদ্যালয়ত মৃত্যু হৈছিল শিল্পীগৰাকীৰ।