য়েমেনত কেৰালাৰ নাৰ্ছ নিমিষাৰ মৃত্যুদণ্ড স্থগিত

ডিজিটেল ডেস্ক: য়েমেনত থকা ভাৰতীয় নাৰ্ছ নিমিষা প্ৰিয়াৰ মৃত্যুদণ্ড য়েমেনী চৰকাৰে স্থগিত ৰাখিছে। চৰকাৰী সূত্ৰই মঙলবাৰে এই কথা জনায়। ১৬ জুলাই, বুধবাৰে নিমিষা প্ৰিয়াৰ মৃত্যুদণ্ড কাৰ্যকৰী কৰাৰ কথা আছিল।

কেৰালাৰ পালাক্কাড জিলাৰ কোল্লেংগোড়েৰ প্ৰিয়াক ২০১৭ চনৰ জুলাইত এজন য়েমেনী নাগৰিকক হত্যাৰ অভিযোগত দোষী সাব্যস্ত কৰা হৈছিল। ২০২০ চনত এখন য়েমেনী আদালতে তেওঁৰ মৃত্যুদণ্ডৰ কথা ঘোষণা কৰিছিল। আনহাতে ইয়াৰ বিৰুদ্ধে তেওঁ কৰা আৱেদন ২০২৩ চনৰ নৱেম্বৰত দেশখনৰ উচ্চতম ন্যায়িক পৰিষদে নাকচ কৰিছিল। ৩৮ বছৰীয়া নাৰ্ছগৰাকী বৰ্তমান য়েমেনৰ ৰাজধানী মহানগৰ ছানাৰ এখন কাৰাগাৰত আছে।

আনহাতে, প্ৰিয়াৰ মৃত্যুদণ্ড কাৰ্যকৰী কৰাৰ দিন স্থগিত ৰখাৰ সংবাদ দিয়া সূত্ৰটোৰ মতে এই ঘটনাত আৰম্ভণিৰে পৰা ভাৰত চৰকাৰে নাৰ্ছগৰাকীৰ পৰিয়ালক যথাসাধ্য সহায় আগবঢ়াই আহিছে। আনহাতে সংবাদ মাধ্যমৰ বাতৰি মতে নিমিষা প্ৰিয়াৰ ঘটনাটোত হস্তক্ষেপ কৰিছিল 'ভাৰতৰ মহান মুফটি'ৰূপে জনাজাত ছুন্নি মুছলমানৰ নেতা কণ্ঠপুৰম এ পি আবুবকৰ মুচলিয়াৰে।

ছুন্নি মুছলমানৰ নেতাজনে য়েমেনৰ এগৰাকী ছুফী বিদ্বানৰ সহযোগত শেষ মুহূৰ্তলৈকে কেৰালাৰ নাৰ্ছগৰাকীৰ মৃত্যুদণ্ড কাৰ্যকৰী স্থগিত ৰখাৰ চেষ্টা কৰিছিল।

উৎসঃ দৈনিক জনমভূমি