শ্বাহৰূখৰ সৈতে বিবাহ, উদিতৰ সৈতে প্ৰেম...৬ বছৰীয়া কন্যা সন্তানক হত্যা কৰি প্ৰেমিকৰ সৈতে কৰিলে পাৰ্টী

ডিজিটেল ডেস্কঃ ৯ মাহ ধৰি গৰ্ভত লালন-পালন কৰা সন্তানক মাতৃয়ে হত্যা কৰিব পাৰিবনে? এই কথা কোনেও সপোনতো ভাবিব নোৱাৰে। কিন্তু উত্তৰ প্ৰদেশৰ লক্ষ্ণৌৰ এগৰাকী মাতৃয়ে কৰিলে এই কাম।

৬ বছৰীয়া কন্যা সন্তানক ডিঙি চেপি হত্যা কৰিলে স্বয়ং মাতৃয়ে। ইউপিৰ ৰাজধানী লক্ষ্ণৌত ৰোশনী নামৰ এগৰাকী মহিলাই প্ৰেমিক উদিত জয়ছৱালৰ সৈতে মিলি নিজৰ নিৰীহ কন্যাক হত্যা কৰে। প্ৰায় ৩৬ ঘণ্টা ধৰি মৃতদেহটো ঘৰতেই আছিল, কিন্তু তেওঁ কাকো জনাব নিদিলে। শেষত এই হত্যাৰ দোষ স্বামী শ্বাহৰুখৰ ওপৰত দিবলৈ চেষ্টা কৰে।

লক্ষ্ণৌত প্ৰেমিক উদিত জয়ছৱালৰ সৈতে ৰোশনী খান নামৰ এগৰাকী মহিলাই নিজৰ নিৰীহ ৬ বছৰীয়া কন্যাক হত্যা কৰে। প্ৰায় ৩৬ ঘণ্টা ধৰি মৃতদেহটো ঘৰত পচি থাকিল, যদিও তেওঁ কাকো খবৰ নিদিলে। শেষত কন্যাৰ হত্যাৰ দোষ স্বামী শ্বাহৰুখৰ ওপৰত আৰোপ কৰে। কিন্তু মৰণোত্তৰ পৰীক্ষাৰ প্ৰতিবেদন আৰু অন্যান্য প্ৰমাণে ৰোশনীৰ ষড়যন্ত্ৰ উদঙাই দিয়ে।

বৰ্তমান আৰক্ষীয়ে অভিযুক্ত ৰোশনী আৰু তেওঁৰ প্ৰেমিক উদিত জয়ছৱালক গ্ৰেপ্তাৰ কৰিছে। এতিয়া প্ৰশ্ন—কিয় ৰোশনীয়ে নিজৰ ৬ বছৰীয়া কন্যাক হত্যা কৰিলে আৰু কেনেকৈ স্বামীক এৰি উদিতৰ কাষ চাপিল?

আচলতে ঘটনাটো লক্ষ্ণৌৰ কাইজাৰবাগ অঞ্চলৰ। ইয়াত বাস কৰা শ্বাহৰুখে আঠ বছৰ পূৰ্বে ৰোশনী নামৰ এগৰাকী ছোৱালীৰ সৈতে বিবাহ কৰিছিল। ৰোশনী আছিল আধুনিক চিন্তাধাৰাৰ, পাৰ্টী আৰু ক্লাবলৈ গৈ ভাল পোৱা ছোৱালী। নৃত্যৰ প্ৰতিও তেওঁ বিশেষ আকৰ্ষিত আছিল। আৰম্ভণিত শ্বাহৰুখে এই সকলোবোৰক স্বাভাৱিক ৰূপে গ্ৰহণ কৰিছিল, কিন্তু অলপ সময়ৰ পাছত দুয়োৰে মাজত মনমালিন্য আৰম্ভ হয়। ইয়াৰ ফলত ক্ৰমান্বয়ে দুয়োৰে সম্পৰ্কত অৱনতি আহে।

বিয়াৰ কিছুদিনৰ পাছত ৰোশনী আৰু শ্বাহৰুখৰ এজনী কন্যা সন্তান জন্ম হয়। কিন্তু ৰোশনী আগৰ দৰে জীৱন যাপন অব্যাহত ৰাখে। এদিন ক্লাবত পাৰ্টীৰ সময়ত তেওঁৰ সৈতে পৰিচয় হয় উদিত জয়ছৱাল নামৰ এজন ব্যক্তিৰ। কথোপকথনৰ জৰিয়তে তেওঁলোকৰ ঘনিষ্ঠতা বাঢ়ে, আৰু দুয়ো একেলগ হোৱা আৰম্ভ কৰে। ৰোশনীয়ে স্বামীক এৰি উদিতৰ সৈতে লিভ-ইন সম্পৰ্কত থাকিবলৈ আৰম্ভ কৰে। আৰু লগে লগে নিজৰ ছোৱালীজনীকো লৈ যায়।

অভিযোগ অনুসৰি, শ্বাহৰুখৰ ফ্লেট দখল কৰাৰ উদ্দেশ্যে ৰোশনী খানে শ্বাহৰুখ আৰু তেওঁৰ পৰিয়ালৰ সদস্যৰ বিৰুদ্ধে আক্ৰমণ সহ কেইবাটাও গুৰুতৰ ধাৰাত এফআইআৰ দাখিল কৰে। এই ঘটনাত পৰিয়ালৰ কিছুমান লোক জেললৈও যায়।তেওঁ শ্বাহৰুখক দায়ী সজাবলৈ বহু পৰিকল্পনা কৰিছিল, যাতে প্ৰেমিক উদিতৰ সৈতে এই ফ্লেটত আৰামত থাকিব পাৰে।

ঘটনাৰ দিনা, অৰ্থাৎ সোমবাৰে নিশা শ্বাহৰুখ নিজৰ কন্যাক লগ পাবলৈ ফ্লেটলৈ গৈছিল। সেই সময়ত ৰোশনী আৰু তেওঁৰ মাজত কিবা বিষয় লৈ তৰ্ক-বিতৰ্ক হয়। তাৰ পিছতে ৰোশনীয়ে খঙতে নিজৰ ছোৱালীজনীক ডিঙি চেপি হত্যা কৰে। পিছত স্বামীক দোষী আৰোপ কৰিবলৈ এটা ভয়ংকৰ ষড়যন্ত্ৰ সাজে। কিন্তু ৰোশনীয়ে মিছা কথা বেছি দিন লুকুৱাই ৰাখিব নোৱাৰিলে।

কাৰণ, ঘটনাৰ পাছদিনা যেতিয়া ৰোশনীখানে শ্বাহৰুখৰ ওপৰত হত্যাৰ অভিযোগ তোলে, তেতিয়াই আৰক্ষীয়ে সন্দেহ কৰে। মৃতদেহৰ অৱস্থা দেখি স্পষ্ট হৈছিল যে হত্যাকাণ্ডটো কেইঘণ্টামান আগতে সংঘটিত হোৱা যেন নালাগে। তাৰ উপৰিও জেৰাৰ সময়ত ৰোশনীয়ে অহৰহ নিজৰ বক্তব্য সলনি কৰি আছিল। প্ৰতিটো প্ৰশ্নৰ উত্তৰত তেওঁ আৰক্ষীক বিভ্ৰান্ত কৰি থাকিল।

অৱশেষত যেতিয়া মৰণোত্তৰ পৰীক্ষাৰ ৰিপৰ্ট আহিল, তেতিয়াই পোহৰলৈ আহিল যে ৩৬ ঘণ্টা পূৰ্বে শিশুটিক হত্যা কৰা হৈছিল। স্থান পৰ্যবেক্ষণত দেখা যায়, সেই সময়ত শ্বাহৰুখ সেই অঞ্চলত উপস্থিত নাছিল। আৰক্ষীৰ তদন্তত ৰোশনীয়ে শেষত সকলো কথা কবুল কৰি লয়। উদিতেও ঘটনাত জড়িত থকাৰ কথা স্বীকাৰ কৰে।