ডিজিটেল ডেস্কঃ বাক্সাৰ শিমলাবাৰীত চাঞ্চল্যকৰ হত্যাকাণ্ড। পুত্ৰই কুঠাৰেৰে ঘপিয়াই নৃসংশভাৱে হত্যা কৰিলে মাতৃক ।হত্যা কৰি চোতালতে জ্বলাই দিলে মাতৃৰ মৃতদেহ।
বাক্সা জিলাৰ বাগানপাৰা আৰক্ষী চকীৰ অন্তৰ্গত শিমলাবাৰীত সংঘটিত হৈছে এই চাঞ্চল্যকৰ ঘটনা। আজি দুপৰীয়া ধনজিত বড়োৱে মাতৃ চম্পা বড়োক প্ৰথমে কুঠাৰেৰে ঘপিয়াই নৃসংশভাৱে হত্যা কৰি পাছত চোতালতে জ্বলাই দিয়ে। কিন্তু গাঁৱৰ ৰাইজে পৰিয়ালটোৰ চোতালত দুপৰীয়াৰ সময়ত জুই দেখি সোমাই যোৱাত পোহৰলৈ আহে প্ৰকৃত ঘটনাটো।
ৰাইজে আৰক্ষীক খবৰ দিয়াত ঘটনাস্থলীত আৰক্ষী উপস্থিত হৈ অৰ্ধজ্বলিত মৃতদেহটি উদ্ধাৰ কৰাৰ লগতে হত্যাকাৰী ধনজিত বড়োক গ্ৰেপ্তাৰ কৰে।
পিছত আৰক্ষীয়ে মৃতদেহটো মৰণোত্তৰ পৰীক্ষাৰ বাবে ডাঃ ৰবি বড়ো অসামৰিক চিকিৎসালয়লৈ প্ৰেৰণ কৰাৰ বিপৰিতে হত্যাকাৰী ধনজিত বড়োক বৰবৰী থানা লৈ আনে।
উল্লেখ্য যে কিছু বছৰ পূৰ্বে এইগৰাকী ধনজিত বড়োৱে তেওঁৰ পিতৃকো দাৰে ঘপিয়াই হত্যাৰ চেষ্টা কৰিছিল। সম্প্ৰতি শিমলাবাৰীত সংঘটিত এই নৃশংস ঘটনাই সমগ্ৰ অঞ্চলটোতে চাঞ্চল্যৰ সৃষ্টি কৰিছে।
মানুহৰ সাহসতকৈ ডাঙৰ কোনো লক্ষ্য নহয়,কেৱল যুঁজিব নোৱাৰা জনেহে জীৱন হেৰুৱায়
Continue Reading
