শিক্ষকতাৰ দৰে পবিত্ৰ বৃত্তিত কালিমা সানিলে নলবাৰীৰ এগৰাকী শিক্ষকে

ডিজিটেল ডেস্কঃ নলবাৰী সংঘটিত হৈছে শিক্ষক সমাজক লজ্জিত কৰা এক ঘটনা। নলবাৰী খাটিকুছিৰ পশ্চিম বনভাগ উচ্চতৰ মাধ্যমিক বিদ্যালয়ত সংঘটিত হয় এই লজ্জাজনক ঘটনা।

শিক্ষকৰ দৰে পবিত্ৰ বৃত্তিত কালিমা সানিলে নলবাৰীৰ এগৰাকী শিক্ষকে। নলবাৰী জিলাৰ ঘগ্ৰাপাৰ থানাৰ অন্তৰ্গত পশ্চিম বনভাগ উচ্চতৰ মাধ্যমিক বিদ্যালয়ৰ লম্পত শিক্ষক আৱেদ আলীৰ বিৰুদ্ধে নিজ বিদ্যালয়ৰ এগৰাকী ছাত্ৰীৰ অভিযোগ।

জানিব পৰা মতে বিদ্যালয়খনৰ দ্বাদশ শ্ৰেণীৰ ছাত্ৰী এগৰাকীক দীৰ্ঘদিন ধৰি অশ্লীল মেচেজ আৰু ফোন কৰি আছিল লম্পত শিক্ষক আৱেদ আলীয়ে । যাৰ বাবে ছাত্ৰী গৰাকীয়ে স্কুললৈ অহা বন্ধ কৰিব লগা হৈছিল।

আজি বিদ্যালয়লৈ আহি থকা অৱস্থাত পৰিয়ালৰ লোকে ৰাইজৰ সহযোগত শিক্ষক জনক সোধা পোছা কৰাত দৌৰি গৈ খাটিকুছি চিকিৎসালয়ত আশ্ৰয় লয়। তাৰ পিছতে ঘগ্ৰাপাৰ আৰক্ষী থানাত খবৰ দিয়াত লম্পত শিক্ষক আবেদ আলীক আৰক্ষীয়ে থানালৈ লৈ যায়। বৰ্তমান লম্পত শিক্ষক গৰাকীক ঘগ্ৰাপাৰ আৰক্ষীয়ে জেৰা অব্যাহত ৰাখিছে।