শোণিতপুৰৰ বালিপৰাত নিৰ্মাণ কৰা হ'ব অসমীয়াৰ হিয়াৰ আমঠু জুবিন গাৰ্গৰ প্ৰতিমূৰ্তি

ডিজিটেল ডেস্কঃ ৰাজ্যিক মৰ্য্যদাৰে অসমীয়াৰ হিয়াৰ আমঠু জুবিন গাৰ্গৰ আজি শেষকৃত্য সম্পন্ন হোৱাৰ সময়তে শোণিতপুৰৰ বালিপৰাত জুবিন গাৰ্গৰ এটা আৱক্ষ মূৰ্তি নিৰ্মান কৰিবলৈ বালিপৰাৰ মজিদুৰ ৰহমান নামৰ,এজন ব্যক্তিয়ে মাটি দান কৰিছে। 

বালিপৰা পেপচি ক্লাৱ,বৃহত্তৰ বালিপৰা যুৱ মঞ্চ,বালিপৰা বয়জ ক্লাৱ আৰু বালিপৰা জুবিন অনুৰাগী ফেন ক্লাৱ তথা বালিপৰাবাসী ৰাইজৰ সহযোগত বালিপৰাৰ জুবিন অনুৰাগী মজিদুৰ ৰহমানে তেখেতৰ বালিপৰা উচ্চতৰ মাধ্যমিক বিদ্যালয়ৰ সমীপতে থকা এডোখৰ মাটি মূৰ্তি নিৰ্মানৰ বাবে দান কৰাৰ পিছতেই উক্ত স্হানত কৰা হয় ভূমি পূজন । 

বালিপৰাঞ্চলৰ দল মত নিৰ্বিশেষে উপস্থিত শতাধিক ৰাইজৰ উপস্থিতিত পৰম্পৰাগত নীতি নিয়মেৰে ভূমি পূজন কৰি শীঘ্ৰে প্ৰিয় শিল্পীগৰাকীৰ আৱক্ষ মূৰ্তি নিৰ্মাণেৰে তেখেতক বালিপৰাৱাসীৰ মাজত ৰখাৰ প্ৰয়াস কৰা হব বুলি কয় ।