বিদ্যুৎ বিভাগৰ কাৰ্যালয়ত চোৰৰ সন্ত্ৰাস ! লুটি নিলে ইনভাৰ্টাৰ,বেটাৰী,পানী উঠোৱা মটৰ আৰু বৈদ্যুতিক তাঁৰ

ডিজিটেল ডেস্ক :কোনো ধৰ্মীয় স্থানত নহয় এইবাৰ চোৰ সোমাল বিদ্যুত বিভাগৰ কাৰ্যালয়৷ চৌদিশে পোহৰ বিলোৱা জামুগুৰিহাটৰ বিদ্যুৎ বিভাগৰ কাৰ্যালয়ত সংঘটিত হৈছে এই ঘটনা৷

নিশা জামুগুৰিহাট বিদ্যুত উপ সংমণ্ডল বিষয়াৰ কাৰ্য্যলয় সংঘটিত এই চুৰিকাণ্ডত চোৰে চাৰিটাকৈ কোঠাৰ তলা ভাঙি চুৰি কৰি নিলে ইনভাৰ্টাৰ সহ বেটাৰী ,মজুত কৰি ৰখা কেইবাটাও পানী উঠোৱা মটৰ আৰু বৈদ্যুতিক তাঁৰ।

পুৱাৰ ভাগতহে বিদ্যুত উপসংমণ্ডল বিষয়াই কাৰ্য্যালয়ত চুৰি হোৱা বিষয়টি জানিব পাৰি কাৰ্য্যলয়ত উপস্থিত হয় আৰু ঘটনা সন্দৰ্ভত জামুগুৰি আৰক্ষীক অৱগত কৰে৷

কাৰ্যালয়টিৰ বিষয়ববীয়া কৰ্মচাৰীসকলে সাংবাদিকৰ পৰা নিশা সংঘটিত চুৰিকাণ্ড লুকুৱাৰ চেষ্টা কৰিছিল কিন্তু নিশাৰ ভাগত বিদ্যুত বিভাগৰ কাৰ্যালয়টিৰ কাষতেই কৰ্তব্যৰত কৰ্মচাৰী থকাৰ পিছতো কিদৰে চোৰে সামগ্ৰীসমুহ চুৰি কৰি নিবলৈ সক্ষম হ’ল সেই লৈ সৃষ্টি হৈছে তীব্ৰ চাঞ্চল্যৰ ৷ ইতিমধ্যে ঘটনাস্থলীত জামুগুৰি আৰক্ষী উপস্থিত হৈ চুৰিকাণ্ডৰ তদন্ত আৰম্ভ কৰিছে৷