'এপষ্টেইন' গোচৰৰ তদন্তৰ ১৬টা ফাইল অদৃশ্য ; মার্কিন ৰাষ্ট্ৰপতি ড'নাল্ড ট্রাম্পৰ কুকীর্তি গাপ দিয়াৰ অভিসন্ধি

ডিজিটেল ডেস্কঃ যৌন অপৰাধী হিচাপে দোষী সাব্যস্ত হোৱা জেফ্রি এপষ্টেইনৰ বিস্ফোৰক গোচৰৰ তদন্তৰ বহু প্রতীক্ষিত নথিসমূহ শুকুৰবাৰে আমেৰিকাৰ ন্যায় বিভাগে মুকলি কৰিছিল।

কিন্তু ৰহস্যজনকভাৱে এই স্পৰ্শকাতৰ তদন্তটোৰ ১৬টা ফাইল অদৃশ্য হৈ আছে। এই ১৬টা ফাইলত ড'নাল্ড ট্রাম্পৰ আপত্তিজনক ফটো থকাটো ইতিমধ্যে স্পষ্ট হৈছে। 

উল্লেখযোগ্য যে শিশু যৌন নির্যাতন আৰু সৰবৰাহৰ জেফ্রি এপষ্টেইন গোচৰৰ সৈতে মার্কিন ৰাষ্ট্ৰপতি ট্রাম্পৰ নামো সাঙোৰ খাইছিল। শুকুৰবাৰলৈকে এই তদন্তৰ ১৬টা ফাইল উপলব্ধ আছিল যদিও শনিবাৰে ফাইলবোৰ ৰহস্যজনকভাৱে অদৃশ্য হয়। এগৰাকী নগ্ন নাৰীৰ কিছুমান পেইণ্টিং, ড'নাল্ড ট্রাম্পৰ অসংযত ফটো, এপষ্টেইনৰ কাষত ট্রাম্প, মেলানিয়া ট্রাম্প আৰু এপষ্টেইনৰ দীৰ্ঘদিনৰ সহযোগী ঘিছলেইন মেক্সৱেলক এখন ছবিত অন্তৰংগ মুহূৰ্তত দেখা গৈছিল। 

মার্কিন ৰাষ্ট্ৰপতি ড'নাল্ড ট্রাম্পৰ কুকীৰ্তি নাইকিয়া কৰাৰ বাবে এটা নিশাৰ ভিতৰতে মার্কিন ন্যায় বিভাগে এই কাৰ্য কৰিছে বুলি ধাৰণা কৰা হৈছে।