বাংলাদেশত হিন্দু যুৱকক বৰ্বৰভাবে হত্যা কৰা ঘটনাক লৈ কোকৰাঝাৰত উত্তাল প্ৰতিবাদ

ডিজিটেল ডেস্ক: বাংলাদেশত উগ্ৰ ইছলাম ধৰ্মালম্বী লোকে দীপু চন্দ্ৰ দাস নামৰ এগৰাকী হিন্দু যুৱকক অমানৱীয় আৰু বৰ্বৰভাবে হত্যা কৰা ঘটনাৰ প্ৰতিবাদ তথা হিন্দুৰ ওপৰত নিৰ্যাতন বন্ধ কৰাৰ দাবীত কোকৰাঝাৰত উত্তাল প্ৰতিবাদ ৷

মঙলবাৰৰ সন্ধিয়া কোকৰাঝাৰ চহৰৰ শান্তিনগৰত সদৌ বিটিচি বেংগলী যুৱ ছাত্ৰ ফেডাৰেছনৰ কেন্দ্ৰীয় কমিটিয়ে বাংলাদেশ অন্তৱৰ্তী চৰকাৰৰ উপদেষ্টা মহম্মদ ইউনুছৰ প্ৰতীকী পুত্তলিকা দাহৰ লগতে ফাছী কাঠত ওলমাই তীব্ৰ প্ৰতিবাদ সাৱ্যস্ত কৰে ৷

প্ৰতিবাদকাৰী সকলে বিভিন্ন শ্ল’গান দি পৰিৱেশ উত্তাল কৰি তোলে। আনহাতে সংবাদ মাধ্যমৰ আগত সদৌ বিটিচি বেংগলী যুৱ ছাত্ৰ ফেডাৰেছনৰ কেন্দ্ৰীয় উপ-সভাপতি বিজু কুমাৰ সাহাই বাংলাদেশত হিন্দু যুৱকক হত্যা কৰাৰ লগতে নিৰ্মমভাৱে জ্বলাই দিয়া কাৰ্যক কঠোৰ ভাষাৰে গৰিহণা দি হত্যাকাৰীৰ সকলক কঠোৰ শাস্তি প্ৰদানৰ উপৰিও সংখ্যালঘু হিন্দুসকলক নিৰাপত্তা প্ৰদান কৰিবলৈ দাবী জনাইছে ৷

আনহাতে সদৌ বিটিচি বেংগলী যুৱ ছাত্ৰ ফেডাৰেছনৰ উপদেষ্টা মন্টু দেই এখন লুঙী প্ৰস্তুত কৰিব নাজানা বাংলাদেশীৰ দপদপনি সহ্য কৰা নহব বুলি মন্তব্য কৰে৷

মৌলবাদী শক্তিৰ হিন্দু সকলৰ ওপৰত যি অত্যাচাৰ-উৎপীড়ন সেয়া বন্ধ কৰাৰ বাবে ভাৰতৰ প্ৰধানমন্ত্ৰীক হস্তক্ষেপ কৰিবলৈ দাবী জনাইছে।