উপ-ৰাষ্ট্ৰপতি জগদীপ ধনখড়ৰ পদত্যাগ

ডিজিটেল ডেস্ক : উপ-ৰাষ্ট্ৰপতি জগদীপ ধনখড়ে সোমবাৰে হঠাৎ পদত্যাগ কৰে। তেওঁ তৎকালেই কার্যকৰী হোৱাকৈ নিজৰ পদত্যাগ পত্ৰ ৰাষ্ট্ৰপতি । কৰে। ৰাষ্ট্ৰপতিলৈ লিখা পত্ৰখনত ধনখড়ে স্বাস্থ্যজনিত কাৰণত আৰু চিকিৎসকৰ পৰামৰ্শৰ কথা উল্লেখ কৰি সংবিধানৰ ৬৭(এ) অনুচ্ছেদৰ অধীনত পদত্যাগ ঘোষণা কৰে।

ৰাষ্ট্ৰপতি দ্রৌপদী মুর্মুলৈ লিখা পত্ৰখনত ধনখড়ে কয়, 'স্বাস্থ্যক অগ্রাধিকাৰ আৰু চিকিৎসাজনিত পৰামৰ্শ পালন কৰি, মই ভাৰতৰ উপৰাষ্ট্ৰপতি পদৰ পৰা তৎক্ষণাৎ কাৰ্যকৰী হোৱাকৈ পদত্যাগ পত্র দাখিল কৰিছোঁ।' তেওঁৰ সৈতে কৰা সহযোগ আৰু সৌহার্দ্যমূলক সম্পৰ্কৰ বাবে ৰাষ্ট্ৰপতিৰ প্রতি কৃতজ্ঞতা প্রকাশ কৰে।

ইয়াৰ লগতে তেওঁক কৰা প্ৰধানমন্ত্ৰী তথা তেওঁৰ মন্ত্ৰী পৰিষদৰ প্ৰতিও ধনখড়ে কৃতজ্ঞতা প্রকাশ কৰে। ধনখড়ে পদত্যাগ পত্রত কয়, 'সংসদৰ সকলো মাননীয় সদস্যৰ পৰা মই যি স্নেহ, বিশ্বাস তথা সন্মান লাভ কৰিছিলোঁ সেয়া সমগ্ৰ জীৱনটো অন্তৰত সঞ্চিত হৈ থাকিব।' উপৰাষ্ট্ৰপতিৰূপে নিজৰ কাৰ্যকালৰ কথা স্মৰণ কৰি ধনখড়ে কয়, 'এই মহান গণতন্ত্ৰৰ উপৰাষ্ট্ৰপতিৰূপে লাভ কৰা অভিজ্ঞতা আৰু দৃষ্টিভংগীৰ বাবে মই গভীৰভাৱে কৃতজ্ঞ। ভাৰতৰ অর্থনৈতিক বিকাশ আৰু অভূতপূর্ব পৰিৱৰ্তনৰ যুগৰ সাক্ষী হৈ পৰাটো মোৰ বাবে সৌভাগ্য আৰু সন্তোষৰ কথা।'

তেওঁ বিশ্বত ভাৰতৰ উদয় আৰু উজ্জ্বল ভৱিষ্যতৰ প্ৰতি অটুট আস্থা প্রকাশ কৰি নিজৰ পদত্যাগ পত্ৰৰ সামৰণি মাৰে। উল্লেখযোগ্য যে সংসদৰ বর্ষাকালীন অধিৱেশন আৰম্ভ হোৱাৰ দিনাই আজি তেওঁ পদত্যাগ কৰে।

ধনখড়ে সোমবাৰে ৰাজ্য সভাৰ উপ-সভাপতি হিচাপে সদনৰ কাম-কাজো পৰিচালনা কৰিছিল। উল্লেখযোগ্য যে ধনখড়ে ২০২২ চনৰ ১১ আগষ্টত দেশৰ উপ-ৰাষ্ট্ৰপতি ৰূপে শপত গ্রহণ কৰিছিল। তেওঁৰ কাৰ্যকাল ২০২৭ চনত অন্ত পৰিলহেঁতেন।

উৎসঃ দৈনিক জনমভূমি