ডিজিটেল ডেস্কঃ জুবিন গাৰ্গৰ অকাল বিয়োগৰ এটা মাহ উকলিল । অব্যাহত আছে তদন্ত প্ৰক্ৰিয়া ।
আজি SIT ৰ ওচৰত ভাষ্য প্ৰদান কৰিলে NK প্ৰডাকচনৰ স্বত্বাধিকাৰী দেৱ বৰকটকীয়ে। জুবিনৰ সৈতে দীৰ্ঘদিনীয়া সম্পৰ্ক আছিল দেৱ বৰকটকীৰ ।
জুবিন গাৰ্গৰ সংগীতৰ ৰয়েলিটী আৰু কপিৰাইট সন্দৰ্ভত তথ্য ল'বলৈ মাতিছিল দেৱ বৰকটকীক । এই সন্দৰ্ভত SITক সকলো তথ্য প্ৰদান কৰিছে বৰকটকীয়ে
ছিংগাপুৰ যোৱাৰ পূৰ্বে জুবিন গাৰ্গৰ সৈতে সাক্ষাৎ হৈছিল দেৱ বৰকটকীৰ । জুবিনৰ মৃত্যুৰ ক্ষেত্ৰত সিদ্ধাৰ্থৰ অৱজ্ঞাৰ কথা উল্লেখ কৰিলে দেৱ বৰকটকীয়ে। অসুস্থ বুলি জানিওঁ সিদ্ধাৰ্থই সাগৰলৈ লৈ গৈছিল জুবিনক।
তেওঁ কয়,'ছিংগাপুৰ যোৱাৰ অলপ দিনৰ আগত জুবিনক লগ পাইছিলো ৷ কৈছিল যে মই এতিয়া গানতকৈ চিনেমাৰ কাম কৰি আছো। সিদ্ধাৰ্থ শৰ্মাক মই ব্যক্তিগত ভাৱে চিনি নাপাও ৷ আগৰ সময়খিনিত তেওঁলোক নাছিল। পাছত তাৰচেম মিট্টাল আৰু সিদ্ধাৰ্থ শৰ্মাই জুবিনৰ সকলো চোৱাচিতা কৰিছিল।
আগলৈ তেওঁ কয়,'জুবিনৰ মৃত্যু চুড়ান্ত অৱহেলাৰ বাবে হ'ল ৷ সিদ্ধাৰ্থৰ ভুল সকলো৷ জুবিনৰ নিজৰ প্ৰডাকচনৰ ৰয়েলটি জুবিনে পায় ৷ যদি বেংক একাউন্টত সিদ্ধাৰ্থৰ নাম আছে তেন্তে তাত সোমাব ৷ সেইটো মই গম নাপাও।'
Continue Reading
