শোণিতপুৰৰ ৰঙাপৰাত বন্যহস্তীৰ তাণ্ডব; ভাঙি তহিলং কৰিলে সুলভ মুল্যৰ দোকান

ডিজিটেল ডেস্ক : শোণিতপুৰৰ ৰঙাপৰাত অব্যাহত আছে হাতী-মানুহৰ সংঘাত ৷ বন্যহস্তীৰ সন্ত্ৰাসৰ বাবে উজাগৰী নিশা কটাবলগীয়া হোৱা মাজতে কালি নিশা তাৰাজুলি চাহ বাগিচাত বন্যহস্তীয়ে চৰকাৰী সুলভ মূল্যৰ দোকান ভাঙি ক্ষতিসাধন কৰাৰ লগতে সা-সামগ্ৰী খায় তহিলং কৰে । 

নিশা খাদ্যৰ সন্ধানত সোনাই ৰূপাই বন্যপ্ৰানী অভয়াৰণ্যৰ পৰা ওলাই অহা বন্যহস্তীয়ে তাৰাজুলি চাহ বাগিচাৰ সূলভ মুল্যৰ দোকানী ৰাজেন্দ্ৰ দোগ্গাৰ দোকানত নিশা প্ৰৱেশ কৰা এটি একলশৰীয়া বন্যহস্তীয়ে দোকানৰ ৱাল ভাঙি দোকানত থকা চাউল, দালি, লগতে বিভিন্ন সামগ্ৰী খায় তহিলং কৰে ৷ 

চৰকাৰী চাউল দালি খায় পোলোৱাত বিপাঙত পৰিছে সুলভ মুল্যৰ দোকানীজন ৷ প্ৰতি বছৰে দুই তিনি বাৰকৈ উক্ত সুলভ মুল্যৰ দোকানখনত বন্যহস্তীয়ে ভাঙি ক্ষতিসাধন কৰি আহিছে ৷ ৰাইজে শীঘ্ৰে বন্যহস্তীৰ উপদ্ৰৱ ৰোধ কৰিবলৈ বন বিভাগক দাবী জনাইছে ৷