মহিলা ক্রিকেট, অষ্ট্ৰেলিয়াক নিজৰ দেশতে হৰুৱালে ভাৰতে

ডিজিটেল ডেস্ক: ভাৰতীয় মহিলা ক্রিকেট দলে অষ্ট্ৰেলিয়াৰ মহিলা দলটোক তৃতীয় তথা অন্তিমখন টি-২০ মেচত পৰাজিত কৰে। ইয়াৰ লগে লগে ভাৰতীয় দলটোৱে অষ্ট্ৰেলিয়াক নিজৰ দেশত ২-১ ব্যৱধানত শৃংখলাত পৰাজিত কৰে। 

কালি অনুষ্ঠিত হোৱা তৃতীয়খন মেচত ভাৰতে প্রথমে বেটিং কৰি ৬ উইকেট হেৰুৱাই ১৭৬ ৰান কৰে। প্রত্যুত্তৰত অষ্ট্ৰেলিয়াই ২০ অ'ভাৰত ৯ উইকেট হেৰুৱাই ১৫৯ ৰান কৰি ১৭ ৰানত পৰাজয়বৰণ কৰে। ভাৰতে দ্বিতীয়বাৰলৈ অষ্ট্ৰেলিয়াত শৃংখলা জয় কৰে। 

ভাৰতৰ অ'পেনাৰ স্মৃতি মান্ধানাই আক্রমণাত্মক বেটিঙেৰে ৮টা চাৰি আৰু ৩টা ছয়ৰ সহায়ত ৮২ ৰান কৰে। আনহাতে, জেমিমা ৰড্রিগজে ৫৯ ৰানৰ অৱদান আগবঢ়ায়। ইফালে জেমিমাই কালি টি-২০ ক্রিকেটত ২,৫০০ ৰান সংগ্ৰহ কৰা চতুৰ্থগৰাকী মহিলা খেলুৱৈৰূপে পৰিগণিত হয়। ভাৰতৰ হৈ টি-২০ত সর্বাধিক ৪,২৩১ ৰান সংগ্ৰহ কৰে স্মৃতি মান্ধানাই ১৬০খন মেচত। 

কালি অনুষ্ঠিত মেচখনত অষ্ট্ৰেলিয়াই ১৭৭ ৰানৰ জয়ৰ লক্ষ্য লৈ বেটিং কৰিবলৈ নামে। এশ্বলেই গার্ডেনাৰক বাদ দি দলটোৰ বেটাৰসকলৰ ব্যৰ্থতাৰ বাবে ১৫৯ ৰানতে ইনিংছ সামৰি পৰাজয়বৰণ কৰে। গার্ডেনাৰে ৪৫টা বলত ৫৭ ৰান কৰে। ভাৰতৰ শ্রেয়াংকা পাটিল আৰু শ্ৰীচৰণিয়ে তিনিটাকৈ উইকেট লয়।

উৎসঃ দৈনিক জনমভূমি