টীয়ক চাহ বাগিচাত যুৱতী নিৰুদ্দেশৰ ঘটনাক লাভ জেহাদ আখ্যা ৰাইজৰ!

ডিজিটেল ডেস্কঃ হিন্দু আৰু মিঞা মুছলমানৰ মাজত ৰাজ্যত চলি থকা বিভিন্ন বিষয়ৰ মাজতে টীয়কত সংঘটিত হোৱা এক যুৱতী নিৰুদ্দেশৰ ঘটনাই তীব্ৰ চাঞ্চল্যৰ সৃষ্টি কৰিছে।

জানিব পৰা মতে টীয়ক চাহ বাগিছাৰ সন্ধিয়া মুড়া নামৰ এগৰাকী ২১ বছৰীয়া যুৱতীক ইষ্টাগ্ৰামত চিনাকী হৈ বিকি হুচেইন নামৰ এজন সন্দেহযুক্ত যুৱকে বিভিন্ন প্ৰলোভনেৰে পলোৱাই নিয়াৰ অভিযোগ উত্থাপন হৈছে।

পৰিয়ালৰ লোকে জনোৱা মতে বিকি হুচেইন নামৰ যুৱকজনৰ সৈতে কেৱল তেওঁলোকে সামাজিক মাধ্যমত ফটো দেখিহে বিষয়টো অৱগত হৈছে,পূৰ্বে কোনো যুৱকক তেওঁলোকে প্ৰত্যক্ষ কৰা নাই।ইতিমধ্যে পৰিয়ালৰ লোক টীয়ক আৰক্ষীৰ কাষ চাপিছে আৰু আৰক্ষীয়েও তদন্ত অব্যাহত ৰাখিছে।

ইপিনে বাগিচা অঞ্চলৰ যুৱতীক বিভিন্ন প্ৰলোভন দি এইদৰে প্ৰেমৰ জালত পেলাই পলোৱাই নিয়াৰ ঘটনাক অপহৰণৰ ঘটনা বুলি অভিহিত কৰি অনতি পলমে যুৱতীগৰাকী উদ্ধাৰ কৰিবলৈ আৰক্ষীক দাবী জনাইছে আটছাৰ লগতে হিন্দু জাগৰণ মঞ্চ টীয়ক সমিতিয়ে আৰু এই ঘটনাক লভ জেহাদ আখ্যা দি আগলৈ যাতে এনেকুৱা ঘটনা সংঘটিত নহয় তাৰ বাবে ৰাইজ তথা আৰক্ষী প্ৰশাসনক সজাগ হ'বলৈ আহ্বান জনাইছে।

অৱশ্যে বিশেষ সুত্ৰে জানিব পৰা মতে যুৱতীগৰাকীক সন্দেহজনক হুছেইন উপাধিৰ যুৱকজনে ঘৰলৈ পঠিওৱাৰ ব্যৱস্থা কৰি পলায়ন কৰিছে।আনহাতে যুৱতীগৰাকীৰ দৃষ্টিশক্তি কম হোৱাৰ হেতুকে এইদৰে মাজবাটতে এৰি যুৱকজন পলায়ন কৰিছে বুলিও সন্দেহ কৰিছে স্থানীয় সচেতন মহলে।