ডিজিটেল ডেস্ক: দেশ কঁপাই যোৱা হিণ্ডেনবাৰ্গ প্ৰতিবেদনৰ পাছত দেশৰ আগশাৰীৰ উদ্যোগপতি গৌতম আদানী বিৰুদ্ধে বিৰোধী দলসমূহে লোকসভাৰ মজিয়াৰ ভিতৰে-বাহিৰে এক উত্তাল পৰিৱেশৰ সৃষ্টি কৰিছে৷
বিৰোধী দলসমূহে আদানী গ্ৰুপৰ সমূহ নথি-পত্ৰ তন্ন-তন্নকৈ পৰীক্ষা আৰু বিভিন্ন ক্ষেত্ৰত লাভ কৰা চৰকাৰী ঠিকাসমূহৰ পৰীক্ষাৰ বাবে জয়ন্ট পাৰ্লিয়ামেণ্টৰী কমিটি (JPC)ৰ দাবী কৰে৷ তেওঁলোকে কয় যে এই সমগ্ৰ দিশটো ৰাষ্ট্ৰীয় সুৰক্ষাৰ লগত জড়িত হৈ আছে, সেয়েহে দেশৰ তদন্তকাৰী সংস্থা সমূহে এই দিশত তদন্ত আগবঢ়াব লাগে৷
আজি বহুকেইটা বিৰোধী দলৰ নেতাই সংসদ ভৱনৰ পৰা ইডিৰ কাৰ্যালয়ৰ অভিমুখে যোৱা প্ৰতিবাদী সমদল এটাক আৰক্ষীয়ে বাধা প্ৰদান কৰে৷
কংগ্ৰেছৰ সভাপতি মল্লিকাৰ্জুন খৰ্গেই জানিবলৈ দিয়া অনুসৰি আৰক্ষীয়ে ১৮টা বিৰোধী দলৰ নেতা আৰু সাংসদক ইডিৰ কাৰ্যালয়ৰ সন্মুখলৈ গৌতম আদানিৰ বিৰুদ্ধে তদন্ত কৰাৰ বাবে প্ৰতিবাদ সমদল উলিওৱা বাবে বাধা প্ৰদান কৰে৷
অন্যহাতে আৰক্ষীয়ে সমদলটিক বাধা দিয়াৰ কাৰণ হিচাপে কৈছে যে,সেই সময়ত সেই অঞ্চলত ১৪৪ ধাৰা প্ৰৱৰ্তন কৰা আছিল৷ সেয়েহে পুনৰ প্ৰতিবাদী সমদলটি সংসদ ভৱনৰ দিশে উভতি আহে৷
Continue Reading
