ডিজিটেল ডেস্কঃ ২৩ জানুৱাৰীত কলকাতাত ৰাষ্ট্ৰীয় স্বয়ংসেৱক সংঘই নেতাজী সুভাষ চন্দ্ৰ বসুৰ জন্ম জয়ন্তী উদযাপন কৰিব৷ নেতাজীৰ কন্যাই বিষয়টোত ভাল পাব লাগিছিল যদিও তেওঁ যেন সন্তুষ্ট নহয়৷ নেতাজীৰ কন্যা অনিতা বসুৱে বিষয়টোকলৈ নিজৰ মতামত প্ৰকাশ কৰিছে।
২৩ জানুৱাৰীত সমগ্ৰ দেশে নেতাজী সুভাষ চন্দ্ৰ বসুৰ জন্ম জয়ন্তী উদযাপন কৰিব। ৰাষ্ট্ৰীয় স্বয়ংসেৱক সংঘয়ো নেতাজীৰ জন্মদিন উদযাপন কৰাৰ সিদ্ধান্ত লৈছে৷ কিন্তু নেতাজীৰ জীয়ৰী অনিতা বসুৱে সেয়া ভাল পোৱা নাই। তেওঁ ইয়াক গৰিহণা দিছে আৰু কৈছে যে নেতাজী সুভাষ চন্দ্ৰ বসুৱে আৰ এছ এছৰ দৰে সংগঠনক কেতিয়াও আসৈ দিয়া নাছিল৷
ৰাষ্ট্ৰীয় স্বয়ংসেৱক সংঘই (আৰ এছ এছ) কলকাতাৰ শ্বহীদ মিনাৰত নেতাজী সুভাষ চন্দ্ৰ বসুৰ ১২৬ সংখ্যক জন্ম জয়ন্তী উদযাপন কৰিব৷ আৰ এছ এছ ৰ মুৰব্বী মোহন ভাগৱত অনুষ্ঠানটোৰ মুখ্য বক্তা হিচাবে উপস্থিত থাকিব৷
অনুষ্ঠানটো সন্দৰ্ভত অনিতা বসুৱে কয় "মোৰ দেউতা এজন এনে মানুহ আছিল যিয়ে এজন হিন্দু আছিল যদিও সকলো ধৰ্মৰ প্ৰতি সন্মান প্ৰদৰ্শন কৰিছিল৷ তেওঁ বিশ্বাস কৰিছিল যে সকলোৱে একেলগে মিলিজুলি থাকিব লাগে । মই নাভাবো যে আৰ এছ এছে এনে নীতিত বিশ্বাস কৰে। যদি আৰ এছ এছে নেতাজীৰ আদৰ্শ গ্ৰহণ কৰা আৰম্ভ কৰিছে তেন্তে সেয়া ভাৰতৰ বাবে ভাল হ'ব। নেতাজীয়ে ধৰ্মনিৰপেক্ষতাত বিশ্বাস কৰিছিল আৰু মই নিশ্চিত নহয় যে আৰ এছ এছে সেয়া বিশ্বস কৰে বুলি৷ যদি আৰ এছ এছে হিন্দু জাতীয়তাবাদী ধাৰণা প্ৰচাৰ কৰিব বিচাৰে, ই নেতাজীৰ আদৰ্শৰ সৈতে মিলা ধৰণৰ নহ'ব। যদি নেতাজীক এইক্ষেত্ৰত ব্যৱহাৰ কৰা হয়, তেন্তে মই এনে কাৰ্যসূচীলৈ সমৰ্থন জনাব নোৱাৰো।"
Continue Reading
