ডিজিটেল ডেস্কঃ আফগানিস্তানৰ বিৰুদ্ধে পৰাস্ত হ’ল পাকিস্তান। ১১ বছৰৰ পাছত টি২০ত আফগানিস্তানে পৰাস্ত কৰিবলৈ সক্ষম হয় পাকিস্তানক। শ্বাৰজাহত হৈ থকা দুয়োদখন দেশৰ টি২০ শৃংখলাৰ প্ৰথমখন মেচত ১০০ ৰাণো সংগ্ৰহ কৰিব নোৱাৰিলে পাকিস্তানে।
বাবৰ আজম আৰু মহম্মদ ৰিজৱানৰ অনুপস্থিতিত শ্বাদাৱ খানৰ নেতৃত্বত পাকিস্তানে তীব্ৰ বেটিং সংকটৰ মুখামুখি হয়। আফগানিস্তানে ৬টা উইকেটত জয়লাভ কৰে। মহম্মদ নবীয়ে বেট আৰু বলৰ সৈতে সৰ্বোত্তম প্ৰদৰ্শন কৰে।
মেচখনত পাকিস্তানে মাত্ৰ ৯২ ৰানহে সংগ্ৰহ কৰে। পাকিস্তানে সমগ্ৰ ২০ অভাৰত বেটিং কৰি হেৰুৱাই ৯ টা উইকেট।অ’পেনাৰ ছাইম আয়ুবে ১৭ ৰান সংগ্ৰহ কৰে। ইমাদ ৱাছিমৰ ১৮ ৰান দলৰ সৰ্বাধিক। তায়াব তাহিৰে ১৬ ৰান সংগ্ৰহ কৰে। অধিনায়ক ছাদাবে ১২ ৰান সংগ্ৰহ কৰে। বাকী কোনো বেটছমেনে ১০ ৰানৰ সীমা অতিক্ৰম কৰিব নোৱাৰিলে।
এই ছিৰিজত নবিক আফগানিস্তানৰ দললৈ ঘূৰাই অনা হৈছিল। টি-২০ বিশ্বকাপৰ পিছত তেওঁ নেতৃত্ব ত্যাগ কৰিছিল। লগতে তেওঁক দলৰ পৰাও বাদ দিয়া হৈছিল। পাকিস্তানৰ বিৰুদ্ধে দললৈ উভতি আহিয়ে নবীয়ে মেন অৱ দ্য মেচৰ সন্মান লাভ কৰে। অভিজ্ঞ ক্ৰিকেটাৰগৰাকীয়ে ৩ অভাৰত ১২ ৰানেৰে ২টা উইকেট দখল কৰাৰ উপৰিও ৩৮টা বলত ৩৮ ৰান সংগ্ৰহ কৰি দলটোক জয় কৰাবলৈ সক্ষম হয়।
আফগানিস্তানৰ অপেনাৰ ৰহমানুল্লাহ গুৰবাজে ১৭টা বলত ১৬ ৰান সংগ্ৰহ কৰে। নবীৰ সৈতে খেলখন শেষ কৰে নাজিবুল্লাহ জাদ্ৰানে। ১৭ ৰানত অপৰাজিত হৈ থাকে জাদ্ৰান। ১৩টা বল বাকী থকা অৱস্থাত আফগানিস্তানে জয়লাভ কৰে।
আফগানিস্তানৰ বিৰুদ্ধে আৰু দুখন টি-২০ মেচ খেলিব পাকিস্তানে। তিনিওখন মেচ হ’ব শ্বাৰজাহত। সেই দুখন মেচ হ’ব ২৬ আৰু ২৭ মাৰ্চত। এই শৃংখলাত প্ৰথমখন মেচত জয়লাভেৰে ইতিমধ্যে আফগানিস্তানে ১-০ গ’লত অগ্ৰগতি লাভ কৰিছে। আৰু এখন মেচত জয়ী হ’লেই এই শৃংখলা জয় কৰিব।
Continue Reading
