ডিজিটেল ডেস্কঃ এছিয়া কাপ খেলিবলৈ পাকিস্তানলৈ নাযায় ভাৰত। কিন্তু নিৰাপত্তা নহয়, ভাৰতে বাবৰ আজমৰ বিৰুদ্ধে খেলিবলৈ ভয় কৰে বাবেহে পাকিস্তানলৈ যাব নিবিচাৰে। এই মন্তব্য কৰিছে পাকিস্তানৰ প্ৰাক্তন ক্ৰিকেটাৰ ইমৰাণ নাজিৰে।
নাজিৰে অনুভৱ কৰে যে হৰাৰ ভয়তে ৰোহিতবাহিনীয়ে এছিয়া কাপ খেলিব নিবিচাৰে। নাজিৰে কয়- ‘‘নিৰাপত্তাক লৈ ভয় কৰাৰ কোনো কাৰণ নাই। এই সকলোবোৰ অজুহাত। পাকিস্তানত বহুত দলে খেলিবলৈ আহি আছে৷ অষ্ট্ৰেলিয়াই আহি খেলি গৈছে। ভাৰত আচলতে হৰাৰ ভয়ৰ বাবেই এছিয়া কাপ খেলিবলৈ পাকিস্তানলৈ আহিব বিচৰা নাই।’’
নাজিৰে ভাৰতক দেশখনলৈ নিমন্ত্ৰণো জনায়৷ কয়- ‘‘আহা ভাৰত খেলাহি! এবাৰ ৰাজনীতিৰ সৈতে খেলিবলৈ আৰম্ভ কৰিলে ঘূৰি যোৱাৰ কোনো উপায় নাথাকে৷’’
উল্লেখ্য যে পাকিস্তানৰ হৈ নাজিৰে ৮ খন টেষ্ট, ৭৯ খন এদিনীয়া মেচ আৰু ২৫ খন টি-২০ খেলিছিল। ১৯৯৯ চনত তেওঁ অভিষেক ঘটায়। ২০১২ চনত খেলিছিল শেষৰখন মেচ। ২০০৭ চনৰ টি-২০ বিশ্বকাপতো নাজিৰ পাকিস্তান দলত আছিল।
আনহাতে, এইবাৰ এছিয়া কাপ হ’ব পাকিস্তানত। কিন্তু ভাৰত তালৈ নাযায়। নিৰপেক্ষ দেশত খেলিব ভাৰতে। ২০১৬ চনত পাকিস্তানে ভাৰতলৈ আহিছিল টি-২০ বিশ্বকাপ খেলিবলৈ। এইবাৰ ৫০ অভাৰৰ বিশ্বকাপ খেলিবলৈও আহিব পাৰে। কিন্তু ভাৰত কোনো প্ৰকাৰে পাকিস্তানলৈ যাবলৈ ইচ্ছুক নহয়।
Continue Reading
