ডিজিটেল ডেস্কঃ ভাৰতত ২০০৮ চনত আৰম্ভ হৈছিল ইণ্ডিয়ান প্ৰিমিয়াৰ লীগ। তাৰ পিছৰে পৰা সমগ্ৰ বিশ্বতে আই পি এলৰ নাম অৰ্জন কৰিবলৈ সক্ষম হৈছে। ইণ্ডিয়ান প্ৰিমিয়াৰ লীগ অৰ্থাৎ আই পি এল বিশ্বৰ সৰ্ববৃহৎ ক্ৰিকেট লীগ হিচাপে পৰিগণিত হৈছে। এইবাৰ আই পি এলৰ ১৭ সংখ্যক ছিজন। সমগ্ৰ বিশ্বতে আই পি এলৰ কোটি কোটি দৰ্শক। এছিয়া, ইউৰোপ, আমেৰিকা আৰু আৰব দেশৰ সকলো ঠাইতে দেখা যায় আই পি এল।
কিন্তু ইয়াৰ পিছতো আফগানিস্তানত আই পি এলৰ টেলিকাষ্ট হোৱা নাই। বৰ্তমান আফগানিস্তানত তালিবান চৰকাৰ। আফগানিস্তানত আই পি এলত নিষেধাজ্ঞা আৰোপ কৰিছে তালিবান চৰকাৰে। ইয়াৰ আঁৰৰ কাৰণ কি জানো আহক।
২০২১ চনত তালিবানে আশ্ৰাফ ঘানীৰ চৰকাৰক অপসাৰণ কৰি আফগানিস্তানত নিজাকৈ চৰকাৰ গঠন কৰিছিল। তেতিয়াৰ পৰাই আফগানিস্তানত বহু পৰিৱৰ্তন ঘটিছে। বৰ্তমান আফগানিস্তানৰ ক্ষমতা তালিবানৰ মতে চলি আছে। আফগানিস্তানত তালিবানে আই পি এল দেখুৱাবলৈ নিষেধাজ্ঞা আৰোপ কৰিছে।
তালিবানে আইপিএল নিষিদ্ধ কৰাৰ কাৰণটো হ’ল আই পি এলত চিয়াৰ লিডাৰে নাচ কৰে। ষ্টেডিয়ামত উপস্থিত থাকে মহিলা দৰ্শক। সেয়ে তালিবান চৰকাৰে আফগানিস্তানত আই পি এলৰ টেলিকাষ্টত নিষেধাজ্ঞা আৰোপ কৰিছে।
যদিও আফগানিস্তানৰ তালিবান চৰকাৰে আই পি এলৰ টেলিকাষ্টত নিষেধাজ্ঞা আৰোপ কৰিছিল। কিন্তু আই পি এলৰ সৈতে আফগানিস্তানৰ সম্পৰ্ক সম্পূৰ্ণৰূপে বিচ্ছিন্ন হোৱা নাই। আফগানিস্তানৰ বহু খেলুৱৈ আই পি এলৰ অংশ আৰু যোৱা কেইবছৰমানৰ পৰা ইয়াৰ ধাৰাবাহিকতা বৃদ্ধি পাইছে। আফগানিস্তানৰ মুঠ ৮ গৰাকী খেলুৱৈয়ে আই পি এল ২০২৪ ছিজনত খেলি আছে। য’ত আফগানিস্তানৰ তাৰকা ক্ৰিকেটাৰ ৰছিদ খানকো অন্তৰ্ভুক্ত কৰা হৈছে।
Continue Reading
