আহি গ'ল ১লাখ দামতকৈও কম ইলেক্ট্ৰিক বাইক! মাত্ৰ ৯৯৯ টকাত কৰিব পাৰিব বুকিং

ডিজিটেল ডেস্কঃ দেশৰ ষ্টাৰ্টআপ কোম্পানীবোৰে এখনৰ পাছত এখন নতুন ইলেক্ট্ৰিক বাইক মুকলি কৰি আছে। তেনে এটা কোম্পানী ওবেন ইভি(Oben EV)-য়ে এতিয়া এক লাখ টকাতকৈও কম মূল্যত ইয়াৰ বৈদ্যুতিক মটৰ বাইক মুকলি কৰিছে। বাইখনৰ নাম দিয়া হৈছে-ওবেন ৰোৰ(Oben Rorr)।এই বাইকখনৰ বিশেষত্ব কি জানো আহক।

এবাৰ চাৰ্জত ২০০ কিঃমি

ওবেন ৰোৰত কোম্পানীটোৱে ৪.৪ কিলোৱাট লিথিয়াম-আয়ন বেটাৰী প্ৰদান কৰিছে। ইয়াৰ লগত এটা ১০ কিলোৱাট বৈদ্যুতিক মটৰ থাকে যিয়ে ৬২এনএমৰ শীৰ্ষ টৰ্ক সৃষ্টি কৰে। এই বেটাৰীয়ে এটা চাৰ্জত ২০০ কিলোমিটাৰ দূৰত্বলৈকে যাব পাৰিব। ইয়াৰ বেটাৰি সম্পূৰ্ণৰূপে চাৰ্জ হ'বলৈ মাত্ৰ 2 ঘণ্টা সময় লাগে।

৩ ছেকেণ্ডতে গতি হয় তীব্ৰ

এই বাইকখনে মাত্ৰ ৩ ছেকেণ্ডত ০ ৰ পৰা ৪০ কিলোমিটাৰ পিকআপ লয়। একে সময়তে ইয়াৰ শীৰ্ষ গতি হৈছে প্ৰতি ঘণ্টাত ১০০কিঃমি। ইয়াত ৩ ৰাইডিং মোড Eco.City আৰু Havoc আছে। এই বাইকখন ডিজাইন কৰাৰ ক্ষেত্ৰত এৰোডাইনেমিক্সৰ বিশেষ যত্ন লোৱা হৈছে। ইয়াৰ বেটাৰী এনেদৰে লগোৱা হৈছে যাতে ই বাইকখনৰ গতি বজাই ৰখাত সহায় কৰে। ই সম্পূৰ্ণৰূপে ৱাটাৰপ্ৰুফ। ইয়াৰ বাহিৰেও ইয়াত ২৩০ মিমি গ্ৰাউণ্ড ক্লিয়াৰেন্স, চুৰি সুৰক্ষা, ড্ৰাইভাৰ এলাৰ্ট চিষ্টেম সংযোজিত সুবিধা আছে। ইয়াত এলইডি লাইট, টেলিস্কোপিক ফৰ্ক, ব্লেক এলয় হুইল আৰু ডিজিটেল মিটাৰ কনচৌল আছে। দুয়োটা চকাতে ডিস্ক ব্ৰেকো আছে। কোম্পানীটোৱে ৩ বছৰ লৈকে বা ৬০,০০০ কিলোমিটাৰ পৰ্যন্ত ৱাৰেণ্টি আগবঢ়াইছে।

ওবেন ৰোৰৰ বুকিং কাইলৈৰ পৰা আৰম্ভ হ'ব

ইয়াৰ এক্স-শ্ব'ৰুমমূল্য হৈছে ৯৯,৯৯৯ টকা। এই মূল্য ৰাজ্যসমূহৰ ৰাজসাহায্য আৰু এফএএম-2ৰ পাছৰ মূল্য। ইয়াত অন্তৰ্ভুক্ত আছে জিএছটি, আনহাতে বীমা, পথ কৰ আৰু পঞ্জীয়ন মাচুল। কোম্পানীটোৱে হোলী উপলক্ষে ইয়াৰ বুকিং আৰম্ভ কৰিবলৈ গৈ আছে। কোম্পানীৰ ছাইটলৈ গৈ ১৮ মাৰ্চৰ পৰা মাত্ৰ ৯৯৯ টকাত বুক কৰিব পাৰিব ইলেকট্ৰিক বাইকখন। আৰু পঢ়কঃ দ্বিতীয়বাৰলৈ মুখ্যমন্ত্ৰী হবলৈ সাজু;২১ মাৰ্চত শপত ল’ব যোগী আদিত্যনাথে